തിരുവനന്തപുരം: സംസ്ഥാന സർക്കാരിന്റെ നിർണ്ണായകമായ മന്ത്രിസഭാ യോഗത്തിൽ വിവിധ മേഖലകളിൽ വിപ്ലവകരമായ തീരുമാനങ്ങൾ.
മയക്കുമരുന്ന് മാഫിയയെ പൂട്ടാൻ പ്രത്യേക അന്വേഷണ ഏജൻസി മുതൽ പെന്തക്കോസ്ത് സഭകളുടെ ദീർഘകാലത്തെ ആവശ്യങ്ങൾ പരിഗണിക്കുന്നത് വരെ നീളുന്നതാണ് പുതിയ പ്രഖ്യാപനങ്ങൾ.
ലഹരിക്കെതിരെ ‘കേരള സ്റ്റേറ്റ് നാർക്കോട്ടിക് കൺട്രോൾ ബ്യൂറോ’
സംസ്ഥാനത്തെ മയക്കുമരുന്ന് കുറ്റകൃത്യങ്ങൾ ഫലപ്രദമായി തടയാൻ എക്സൈസ് വകുപ്പിന് കീഴിൽ ‘കേരള സ്റ്റേറ്റ് നാർക്കോട്ടിക് കൺട്രോൾ ബ്യൂറോ’ രൂപീകരിക്കും.
അന്വേഷണത്തിനും പ്രതിരോധത്തിനുമായി പ്രത്യേക അധികാരങ്ങളോടെയാകും ഈ വിഭാഗം പ്രവർത്തിക്കുക.
പെന്തക്കോസ്ത് സഭകൾക്ക് ഔദ്യോഗിക അംഗീകാരം
പെന്തക്കോസ്ത് സഭകളെ ക്രൈസ്തവ സഭാ വിഭാഗമായി അംഗീകരിക്കാൻ മന്ത്രിസഭ തത്വത്തിൽ തീരുമാനിച്ചു.
പരിവർത്തിത ക്രൈസ്തവർ നേരിടുന്ന പ്രശ്നങ്ങൾ പഠിക്കാൻ ബിശ്വനാഥ സിൻഹ, ടി.വി അനുപമ, ജെറോമിക് ജോർജ് എന്നിവരടങ്ങുന്ന ഉന്നതതല ഐഎഎസ് കമ്മിറ്റിയെ ചുമതലപ്പെടുത്തി.
തൊഴിൽ മേഖലയിലും തസ്തികകളിലും വൻ ഇളവ്
സർക്കാർ/അർദ്ധസർക്കാർ സ്ഥാപനങ്ങളിൽ അപ്രന്റിസുകളുടെ എണ്ണം 15% വർദ്ധിപ്പിക്കും. ഇവർക്കായി ‘കോമൺ പൂൾ ഫണ്ട്’ രൂപീകരിക്കും.
ജോര്ജുകുട്ടിയുടെ കഥ വീണ്ടും; ‘ദൃശ്യം 3’ ടീസർ സെൻസർ പൂർത്തിയായി
പട്ടികജാതി-വർഗ്ഗ അതിക്രമങ്ങൾ തടയാൻ സ്പെഷ്യൽ മൊബൈൽ സ്ക്വാഡുകളിൽ 41 തസ്തികകൾ സൃഷ്ടിച്ചു. കൊച്ചിൻ ക്യാൻസർ സെന്റർ, ഫയർ ഫോഴ്സ് എന്നിവിടങ്ങളിലും പുതിയ നിയമനങ്ങൾ നടക്കും.
എറണാകുളം ഗവ. മെഡിക്കൽ കോളേജിലെ 214 കരാർ ജീവനക്കാരെ സ്ഥിരപ്പെടുത്താൻ തീരുമാനമായി.
ക്ഷേമനിധി ബോർഡുകൾക്കും ജീവനക്കാർക്കും ആശ്വാസം
സാമ്പത്തിക പ്രതിസന്ധിയിലായ കെട്ടിട നിർമ്മാണ തൊഴിലാളി ക്ഷേമ ബോർഡിന് പെൻഷൻ നൽകാൻ മറ്റ് ബോർഡുകളിൽ നിന്ന് 335 കോടി രൂപ വായ്പ എടുക്കാൻ സർക്കാർ ഗ്യാരണ്ടി നൽകി.
ബിവറേജസ് കോർപ്പറേഷൻ ജീവനക്കാരുടെ അലവൻസ് 550 രൂപയായി ഏകീകരിച്ചു. കൂടാതെ, റബ്കോയുടെ 520.90 കോടി രൂപയുടെ ബാധ്യത സർക്കാർ ഇക്വിറ്റിയാക്കി മാറ്റി.
പ്രധാന നിയമനങ്ങൾ
കെഎസ്ആർടിസി സിഎംഡിയായി പ്രമോജ് ശങ്കറിനെയും, കാംകോ എംഡിയായി സിറിയക് ജോർജ് മാമ്പലത്തിനെയും നിയമിച്ചു.
പരിക്കേറ്റ മുൻ ദേശീയ താരം നിഷ ജോണിന് പൊതുമരാമത്ത് വകുപ്പിൽ ജോലി നൽകാനും തീരുമാനമായി.
Summary:
The Kerala Cabinet has approved the formation of the ‘Kerala State Narcotic Control Bureau’ under the Excise Department. In a landmark move, Pentecostal churches will be officially recognized as a Christian denomination. The meeting also cleared 214 permanent posts in Ernakulam Medical College, sanctioned various new posts in special squads, and addressed financial crises in welfare boards. Key appointments including the new KSRTC CMD were also finalized.
