കൊല്ലം: കരുനാഗപ്പള്ളി സന്തോഷ് കൊലപാതകത്തില് അഞ്ചുപേരെ കസ്റ്റഡിയിലെടുത്ത് പോലീസ്. കൊലപാതകത്തില് നേരിട്ട് പങ്കുള്ള ഒച്ചിറ മേമന സ്വദേശി രാജപ്പൻ അടക്കമുള്ളവരാണ് പിടിയിലായത്. പ്രതികളെ ഒളിവില് താമസിക്കാന് സഹായിച്ചവരെന്ന് സംശയിക്കുന്നവരാണ് പിടിയിലായ മറ്റു നാലുപേർ.
ആലപ്പുഴ, കൊല്ലം ജില്ലകളുടെ അതിര്ത്തി പ്രദേശത്തുള്ള ഒളിവിടത്തില് നിന്നാണ് പ്രതികള് പിടിയിലായതാണെന്നാണ് സൂചന. പങ്കജ് എന്നയാളാണ് ക്വട്ടേഷന് കൊടുത്തതെന്നാണ് പൊലീസിന്റെ നിഗമനം. അലുവ അതുല് എന്നയാളാണ് ക്വട്ടേഷന് ഏറ്റെടുത്തത്.
ഇവരെ കേന്ദ്രീകരിച്ച് കരുനാഗപ്പള്ളി എസിപിയുടെ നേതൃത്വത്തില് അന്വേഷണം പുരോഗമിക്കുകയാണ്. പ്രതികളുടെ ചിത്രങ്ങള് പൊലീസ് നേരത്തെ പുറത്തു വിട്ടിരുന്നു. 2024 നവംബറില് പങ്കജിനെ ആക്രമിച്ച കേസില് സന്തോഷ് ജയിലിൽ കഴിയുകയായിരുന്നു.
ജയിലില് നിന്നും ഇറങ്ങിയ ശേഷം സന്തോഷിന് ഭീഷണി ഉണ്ടായിരുന്നതായാണ് പൊലീസിന് ലഭിച്ച വിവരം. ഇതിന്റെ തുടര്ച്ചയായാണ് കൊലപാതകം നടത്തിയതെന്ന നിഗമനത്തിലാണ് പോലീസ്.
