വിദേശത്ത് നിന്ന് മടങ്ങി 2 മാസം; വിവാഹം കഴിഞ്ഞത് ജനുവരി 5-ന്, അപകടത്തിൽ യുവാവ് മരിച്ചു
കൊച്ചി: കാലടിയിൽ ടോറസ് ലോറിയും ബൈക്കും കൂട്ടിയിടിച്ച് 30 കാരനായ യുവാവ് മരിച്ചു. മാണിക്കമംഗലം തോട്ടകം കോനൂരാൻ വിത്സന്റെ മകൻ അക്ഷയ് ആണ് ദാരുണമായി മരിച്ചത്.
അമിത വേഗത്തിൽ എത്തിയ ലോറി
അമിത വേഗത്തിൽ എത്തിയ ടോറസ് ലോറി ബൈക്കിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ച് വീണ യുവാവിന് ഗുരുതരമായി പരിക്കേറ്റു.
90 വയസ്സുള്ള മുത്തശ്ശിക്ക് ശ്വാസതടസം; ബ്ലിങ്കിറ്റ് ആംബുലൻസ് 10 മിനിറ്റിനകം എത്തി, വൈറലായി അനുഭവം
ആശുപത്രിയിൽ എത്തിച്ചെങ്കിലും രക്ഷിക്കാനായില്ല
ഉടൻ അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും അക്ഷയുടെ ജീവൻ രക്ഷിക്കാനായില്ലെന്ന് ആശുപത്രി അധികൃതർ അറിയിച്ചു.
പുതുവിവാഹിതൻ
വിദേശത്ത് ജോലി ചെയ്തിരുന്ന അക്ഷയ് രണ്ട് മാസം മുൻപാണ് നാട്ടിലെത്തിയത്. ജനുവരി 5-നായിരുന്നു വിവാഹം. കൂടാലപ്പാട് തോട്ടങ്കര കുടുംബാംഗം ഐശ്വര്യയാണ് ഭാര്യ.
സംസ്കാരം നാളെ
അക്ഷയുടെ സംസ്കാരം നാളെ വൈകുന്നേരം 4 മണിക്ക് നടക്കും.
English Summary:
A 30-year-old man, Akshay, died in a road accident at Kalady after a speeding tipper lorry collided with his bike. He had returned from abroad just two months ago and was married on January 5. Despite being rushed to a private hospital in Angamaly, he could not be saved. The funeral will be held tomorrow evening.
