ചുണ്ടിലെ നിറവ്യത്യാസമാണോ പ്രശ്നം

ചുണ്ടുകളുടെ സൗന്ദര്യം എല്ലാവരും ശ്രദ്ധിക്കുന്ന ഒന്നാണ് . എല്ലാവർക്കും ചുണ്ടുകൾക്ക് ഒരേ നിറം തന്നെ ലഭിക്കണം എന്നില്ല. പലപ്പോഴും രണ്ട് നിറമുള്ള ചുണ്ടുകളും, ചുണ്ടിൽ കഠിനമായിട്ടുള്ള നിറവ്യത്യാസവും നിങ്ങൾക്ക് കാണാൻ സാധിക്കുന്നതാണ്. ഇത്തരത്തിൽ ചുണ്ടുകളിൽ ഉണ്ടാകുന്ന നിറവ്യത്യാസം അകറ്റാൻ ഒരു സൂപ്പർ ഐഡിയ ഉണ്ട് . നല്ല പച്ചവെളിച്ചെണ്ണ തന്നെ ഇതിന് ധാരാളമാണ്. പതിവായി എന്നും കിടക്കുന്നതിന് മുൻപ് ഒരു തുള്ളി വെളിച്ചെണ്ണ എടുത്ത് നിങ്ങളുടെ ചുണ്ടുകളിൽ തേച്ച് പതിയെ മസാജ് ചെയ്ത് കൊടുത്താൽ അത് നിരവധി ഗുണങ്ങൾ നിങ്ങളുടെ ചുണ്ടുകൾക്ക് നൽകുന്നുണ്ട്. പ്രത്യേകിച്ച്, നല്ലപോലെ മോയ്‌സ്ച്വറൈസ് ചെയ്‌തെടുക്കാൻ സഹായിക്കുന്നു. ഇത് ചുണ്ടുകളിൽ ഈർപ്പം നിലനിർത്താനും അതുപോലെ, ചുണ്ടുകൾ വരണ്ട് പോയി നിറം മങ്ങാതെ നല്ല തിളക്കം നൽകാനും സഹായിക്കുന്നുണ്ട്. എല്ലായ്‌പ്പോഴും മോയ്‌സ്ച്വർ ചെയ്ത് വെക്കുന്നത് മൃതകോശങ്ങൾ നീക്കം ചെയ്യാനും സഹായിക്കുന്നതാണ്. കൂടാതെ, ചുണ്ടുകൾക്ക് നല്ല നിറം നൽകാനും വെളിച്ചെണ്ണ സഹായിക്കുന്നു. ചുണ്ടുകളുടെ സൗന്ദര്യത്തിനായി വെളിച്ചെണ്ണ ഏതെല്ലാം വിധത്തിൽ ഉപയോഗിക്കാം എന്ന് നോക്കാം.

​കറ്റാർവാഴയും വെളിച്ചെണ്ണയും​

​കറ്റാർവാഴയും വെളിച്ചെണ്ണയും ചുണ്ടുകളുടെ ആരോഗ്യത്തിന് നല്ലതാണ്. കറ്റാർവാഴ ചുണ്ടുകളെ നല്ലപോലെ മോയ്‌സ്ച്വർ ചെയ്ത് നിലനിർത്തുകയും, ചുണ്ടുകളിൽ നിന്ന് മൃതകോശങ്ങളെ നീക്കം ചെയ്യാൻ സഹായിക്കുകയും ചെയ്യുന്നുണ്ട്. അതിനാൽ കറ്റാർവാഴയും അതുപോലെ തന്നെ വെളിച്ചെണ്ണയും ചുണ്ടുകളെ നല്ലപോലെ സോഫ്റ്റാക്കി നിലനിർത്തുകയും, ചുണ്ടുകൾക്ക് നല്ല നിറം നൽകാൻ സഹായിക്കുകയും ചെയ്യുന്നു. ഇത് ചുണ്ടുകളിൽ നിന്നും കരവാളിപ്പ് അകറ്റാനും അതുപോലെ, ചുണ്ടുകൾക്ക് നല്ല ചുവപ്പ് നിറം നൽകാനും സഹായിക്കുന്നുണ്ട്.ഇത് ഉപയോഗിക്കുന്നതിനായി ആദ്യം തന്നെ ഒരു അര ടീസ്പൂൺ കറ്റാർവാഴ എടുക്കുക. ഇതിലേയ്ക്ക് രണ്ട് തുള്ളി വെളിച്ചെണ്ണയും ചേർത്ത് നല്ലപോലെ മിക്‌സ് ചെയ്യണം. ഇത് മിക്‌സ് ചെയ്ത് നല്ല തിക്ക് പേയ്സ്റ്റ് ആകും. ഈ സമയത്ത് നിങ്ങൾ ഇത് കുറച്ചെടുത്ത് ചുണ്ടിൽ തടവുക. നന്നായി മസാജ് ചെയ്ത് കൊടുക്കണം. ചുണ്ടിൽ ഇത് നല്ലപോലെ ആഗിരണം ചെയ്യുന്നത് വരെ മസാജ് ചെയ്യാൻ മറക്കരുത്. ഇത്തരത്തിൽ ദിവസേന ഉറങ്ങുന്നതിന് മുൻപ് ചുണ്ടുകളിൽ പുരട്ടിയാൽ, ചുണ്ടുകൾക്ക് നല്ല നിറം ലഭിക്കുന്നതാണ്.

​വെളിച്ചെണ്ണയും റോസ് വാട്ടറും​

ചർമ്മത്തിന്റെ ആരോഗ്യത്തിന് റോസ് വാട്ടർ വളരെ നല്ലതാണ്. റോസ് വാട്ടർ ചുണ്ടുകളിൽ പുരട്ടിയാൽ ചുണ്ടുകൾ വളരെ സോഫ്റ്റാവുകയും ചുണ്ടുകൾക്ക് നല്ല സ്വഭാവിക നിറം ലഭിക്കുകയും ചെയ്യും. അതിനാൽ രണ്ട് തുള്ളി റോസ് വാട്ടറും അതുപോലെ, രണ്ട് തുള്ളി വെളിച്ചെണ്ണയും മിക്‌സ് ചെയ്ത് എടുക്കണം. അതിന് ശേഷം ഇത് ചുണ്ടുകളിൽ പുരട്ടാവുന്നതാണ്. എന്നും രാത്രിയിൽ കിടക്കുന്നതിന് മുൻപ് പുരട്ടാം. അതുപോലെ തന്നെ രാവിലെ എഴുന്നേറ്റ ഉടനെ ഇത് ഉപയോഗിച്ച് ചുണ്ടുകൾ മസാജ് ചെയ്യുന്നത് നല്ലതാണ്. ഇത് നിങ്ങളുടെ ചുണ്ടുകൾക്ക് നിറം നൽകാൻ സഹായിക്കും.

​വെളിച്ചെണ്ണയും ബട്ടറും​

വെളിച്ചെണ്ണയും അതുപോലെ ബട്ടറും ചുണ്ടുകളുടെ നിറം നിലനിർത്താനും അതുപോലെ, ചുണ്ടുകൾക്ക് നഷ്ടപ്പെട്ട നിറം വീണ്ടെടുക്കാനും സഹായിക്കുന്നതാണ്. ഇവ ചുണ്ടുകളെ നല്ലപോലെ മോയ്‌സ്ച്വർ ചെയ്ത് നിലനിർത്തുന്നുണ്ട്. അതുപോലെ തന്നെ അതിനാൽ തന്നെ ചുണ്ടുകൾക്ക് നല് നാച്വറൽ നിറം ലഭിക്കാനും, ചുണ്ടുകളിലെ നിറവ്യത്യാസം ഇല്ലാതാക്കാനും സഹായിക്കുന്നു. ഇതിനായി ആദ്യം തന്നെ വെളിച്ചെണ്ണ രണ്ട് തുള്ളി ഒരു ടീസ്പൂൺ ബട്ടറഇലേയ്ക്ക് ചേർത്ത് നല്ലപോലെ മിക്‌സ് ചെയ്ത് പേയേസ്റ്റ് പരുവത്തിൽ അക്കുക. ഇത് ഒരു ചെപ്പിൽ സൂക്ഷിക്കാം. ഇത് ഇടയ്ക്കിടയ്ക്ക് ചുണ്ടിൽ പുരട്ടി മസാജ് ചെയ്യാവുന്നതാണ്. സാവധാനത്തിൽ നിങ്ങൾക്ക് ചുണ്ടുകൾക്ക് നിറം നേടാൻ സാധിക്കും.

Read Also :ബ്രേക്ക്ഫാസ്റ്റ് കഴിച്ചില്ലേല്‍ സൂക്ഷിച്ചോ