എല്ലായ്‌പ്പോഴും പുതിയ സാങ്കേതികവിദ്യകൾ പുതിയ വെല്ലുവിളികൾ ഉയർത്താറുണ്ട്. സുനോ എഐ സംഗീതജ്ഞർക്ക് ഒരു ഭീഷണിയാണോ എന്ന് ചോദിക്കുന്നവരുണ്ട്. എന്നാൽ സുനോ എഐ ഒരു ഉപകരണമാണെന്ന് ഓർക്കേണ്ടതാണ്. ഏത് ഉപകരണത്തെയും പോലെ, അത് നല്ലതിനോ ചീത്തയ്‌ക്കോ ഉപയോഗിക്കാം. സംഗീതജ്ഞർക്ക് അവരുടെ സർഗ്ഗാത്മകത വികസിപ്പിക്കാനും പുതിയ സംഗീതം സൃഷ്ടിക്കാനും സുനോ എഐ ഉപയോഗിക്കാം.Is Suno AI a Threat to Musicians
സുനോ എഐ ഇപ്പോൾ പ്രാരംഭഘട്ടത്തിലാണ്. എന്നാൽ സംഗീത ലോകം മാറ്റാനുള്ള സാധ്യത ഇതിനുണ്ട്. ഭാവിയിൽ, നമ്മൾ കേൾക്കുന്ന എല്ലാ സംഗീതവും നിർമ്മിതബുദ്ധി സംവിധാനങ്ങൾ സൃഷ്ടിച്ചതാകുമോ?
മനുഷ്യന്റെ ആശയങ്ങളെ യാഥാർഥ്യമാക്കുന്ന മറ്റൊരു സംവിധാനമാണ് ‘സുനോ എ ഐ’ . നിങ്ങളുടെ വരികൾക്ക് ഈണം കൊടുക്കാൻ ഈ പുതിയ നിർമ്മിതബുദ്ധി സംവിധാനനത്തിന് (AI) സാധിക്കുന്നു. സംഗീതം സൃഷ്ടിക്കാനുള്ള മനുഷ്യന്റെ കഴിവിന് വലിയ വെല്ലുവിളിയോ ഭീഷണിയോ ആണിത് സൃഷ്ടിക്കുന്നത്.
നമ്മുടെ ഉള്ളിലൊരു ഗായകൻ ഉണ്ടെന്ന് പറയാറുണ്ട്. പക്ഷേ എല്ലാവർക്കും സംഗീതം സൃഷ്ടിക്കാനുള്ള കഴിവ് ഉണ്ടാവണമെന്നില്ല. ഇവിടെയാണ് സുനോ ആപ്പിന്റെ സഹായം.
ഉപയോഗിക്കാൻ വളരെ എളുപ്പമാണ്. നിങ്ങളുടെ വരികൾ ടൈപ്പ് ചെയ്യുക, ഏത് തരത്തിലുള്ള സംഗീതം നിങ്ങൾ ആഗ്രഹിക്കുന്നു എന്ന് തിരഞ്ഞെടുക്കുക, സുനോ എ ഐ നിങ്ങൾക്ക് അനുയോജ്യമായ ഒരു ഈണം സൃഷ്ടിക്കും. പോപ്പ്, റോക്ക്, ക്ലാസിക്കൽ – നിങ്ങളുടെ ഇഷ്ടത്തിന് അനുയോജ്യമായ ഏത് ശൈലിയിലും സംഗീതം സൃഷ്ടിക്കാൻ സുനോ എഐക്ക് കഴിയും.
