ഇന്ത്യയിലെ വിവിധ സംസ്ഥാനങ്ങളിൽ, പ്രത്യേകിച്ച് ദക്ഷിണേന്ത്യൻ സംസ്ഥാനങ്ങളിൽ ഭക്ഷണം പാചകം ചെയ്യാനും വിളമ്പാനുമെല്ലാം വാഴയില ഉപയോഗിക്കാറുണ്ട്. വാഴയില ഒരു സാധാരണ ഇലയല്ല; മലയാളികൾക്ക് പ്രത്യേകിച്ചും. വാഴയിലയില്ലാതെ എന്തു സദ്യ എന്നാണ് പലപ്പോഴും ചോദ്യം . വാഴയിലയിൽ ഭക്ഷണം ഉണ്ടാക്കുന്നതു കൊണ്ടും കഴിക്കുന്നതു കൊണ്ടുമുള്ള ആരോഗ്യഗുണങ്ങൾ അതിശയകരമാണ്.
പോഷകാഹാര മൂല്യം
വാഴയിലയിൽ പോളിഫിനോൾസ്, വിറ്റാമിൻ എ, വിറ്റാമിൻ സി തുടങ്ങിയ അവശ്യ പോഷകങ്ങൾ അടങ്ങിയിട്ടുണ്ട്. അതിനാൽ വാഴയിലയിൽ ഭക്ഷണം പാകം ചെയ്യുമ്പോൾ ഈ പോഷകങ്ങളിൽ ചിലത് ഭക്ഷണത്തിൽ ചേർക്കപ്പെടുകയും പോഷകാഹാരത്തിലൂടെ നമ്മുടെ ശരീരത്തിൽ എത്തുകയും ചെയ്യുന്നു.
ഭക്ഷണം വിഷരഹിതമാക്കും
പ്ലാസ്റ്റിക് അല്ലെങ്കിൽ തെർമോക്കോൾ പ്ലേറ്റുകളെ അപേക്ഷിച്ച് വാഴയില വിഷരഹിതമാണ്, അതിനാൽ ഭക്ഷണത്തിൽ ദോഷകരമായ രാസവസ്തുക്കൾ ഉൾപ്പെടില്ല. ഇത് ക്യാൻസർ സാധ്യതയും കുറയ്ക്കുന്നു.മാത്രമല്ല വാഴയിലയ്ക്ക് ആന്റി ബാക്ടീരിയൽ ഗുണങ്ങളും ഉണ്ട്. ഇത് ഭക്ഷണത്തിലെ അണുക്കളെ നശിപ്പിച്ച് രോഗസാധ്യത കുറയ്ക്കുന്നു
രുചി വർദ്ധിപ്പിക്കൽ
വാഴയിലയിൽ ഭക്ഷണം കഴിക്കുന്നത് ഭക്ഷണത്തിന്റെ രുചി കൂട്ടും. വാഴയിലകൾ ഭക്ഷണത്തിന് യഥാർത്ഥ പ്രകൃതിദത്തമായ രുചി നൽകുന്നു.
ആകർഷകമാക്കും
വാഴയിലയിൽ ഭക്ഷണം കഴിക്കുന്നത് ഭക്ഷണത്തിന് പരമ്പരാഗതമായ ഭംഗി നൽകുന്നു. വാഴയിലയിൽ വിളമ്പി വെച്ചിരിക്കുന്ന സദ്യ കണ്ടാൽ ആർക്കാണ് കഴിക്കാൻ തോന്നാത്തത്?!
ദഹനം മെച്ചപ്പെടുത്തും
വാഴയിലയിൽ വിളമ്പുന്ന ഭക്ഷണം കഴിക്കുന്നത് ദഹനത്തെ നല്ല രീതിയിൽ സ്വാധീനിക്കുന്നു. ഇതിലടങ്ങിയിരിക്കുന്ന പോളിഫെനോളുകൾ ദഹന എൻസൈമുകളുടെ ഉത്പാദനം വർദ്ധിപ്പിക്കുന്നു.
പരിസ്ഥിതി സൗഹൃദം
പരിസ്ഥിതിയെ മലിനമാക്കുന്ന പ്ലേറ്റുകളേക്കാൾ സ്വാഭാവികവും മികച്ചതുമായ ഓപ്ഷനാണ് വാഴയിലകൾ. പ്ലാസ്റ്റിക് അല്ലെങ്കിൽ ഫോം പ്ലേറ്റുകൾ മൂലമുണ്ടാകുന്ന മലിനീകരണവും ഇത് കുറയ്ക്കുന്നു.
Read Also : രാത്രിയുറക്കം സുഗമമാക്കാൻ ഈ ഭക്ഷണങ്ങൾ മതി
