ഇടുക്കി: ഭാര്യയുടെ മുഖത്ത് ചൂടൻചായ ഒഴിച്ച്‌ പൊള്ളിച്ച കേസില്‍ ഭർത്താവ് പിടിയില്‍. ഇടുക്കി കഞ്ഞിക്കുഴി ചേലച്ചുവട് – ഏഴുകമ്പി പന്നാരക്കുന്നേല്‍ ഗിരീഷ് തങ്കപ്പൻ (45)നെയാണ് പോലീസ് അറസ്റ്റ് ചെയ്‌തത്‌.
തിങ്കളാഴ്ച രാവിലെ ഏഴിനാണ് സംഭവം. കുടിക്കാൻ കൊടുത്ത തിളച്ച ചായ ഗിരീഷ് ഭാര്യയുടെ മുഖത്തൊഴിക്കുകയായിരുന്നു. മുഖത്തും വലതു കണ്ണിനും സാരമായി പൊള്ളലേറ്റ ഭാര്യയെ ആശുപത്രിയില്‍ പ്രവേശിപ്പിച്ചു.
മദ്യത്തിന് അടിമയായ ഗിരീഷ് ഭാര്യയുമായി കലഹിക്കുന്നത് പതിവാണെന്ന് പോലീസ് പറഞ്ഞു. ഇവർക്ക് രണ്ട് മക്കളുണ്ട്. പ്രതിയെ റിമൻഡ് ചെയ്തു.
