തൃശൂര്: ബിജെപി വോട്ടിന് പണം നല്കിയെന്ന ആക്ഷേപവുമായി വീട്ടമ്മമാർ.ഒളരി ശിവരാമപുരം കോളനിയിലെ താമസക്കാരാണ് ആരോപണവുമായി രംഗത്തെത്തിയത്. അടിയാത്ത് ഓമന , ചക്കനാരി ലീല എന്നിവരാണ് പരാതിക്കാർ. പ്രദേശിക ബിജെപി നേതാവായ സുഭാഷ് വീട്ടിലെത്തി പണം നൽകിയെന്നാണ് ആക്ഷേപം. പണം വേണ്ടെന്ന് പറഞ്ഞ് മടക്കിനൽകിയിട്ടും തിരികെ വാങ്ങിയില്ലെന്നും പരാതിക്കാർ പറയുന്നു.
സംഭവമറിഞ്ഞ് ആള് കൂടിയപ്പോഴേക്കും പണവുമായി വന്നയാൾ മടങ്ങിയിരുന്നു. അതേസമയം സംഭവത്തില് ബിജെപിക്ക് പങ്കില്ലെന്ന് ജില്ലാ അധ്യക്ഷൻ കെകെ അനീഷ് കുമാർ പറഞ്ഞു. തോൽവി ഉറപ്പിച്ച മറ്റ് രാഷ്ട്രീയപ്പാർട്ടികൾ നടത്തുന്ന വ്യാജ പ്രചരണമാണിതെന്നും ബിജെപി ആരോപിക്കുന്നു.
