അബുദാബി: അല്ഐനിൽ വീടിന് തീപ്പിടിച്ച് മൂന്ന് കുട്ടികള് മരിച്ചു. അല്ഐനിലെ നാഹില് മേഖലയിലാണ് അപകടമുണ്ടായത്. യു.എ.ഇ സ്വദേശികളായ മുഹമ്മദ് ആല്കഅബി (13), സലിം ഗരീബ് ആല്കഅബി (10), ഹാരിബ് (6) എന്നിവരാണ് മരിച്ചത്.
മുത്തച്ഛന്റെ വീടിനോട് കൂട്ടിചേര്ത്ത ഭാഗത്ത് കിടന്നുറങ്ങിയിരുന്ന കുട്ടികളാണ് അപകടത്തിൽപ്പെട്ടത്. കുട്ടികളെ രക്ഷിക്കാന് ശ്രമിക്കുന്നതിനിടെ ഇവരുടെ മുത്തച്ഛനും പൊള്ളലേറ്റു. ഇദ്ദേഹം ആശുപത്രിയിൽ ചികിത്സയിലാണ്.
കുട്ടികള് കിടന്നുറങ്ങിയിരുന്ന കെട്ടിടത്തിന്റെ ഭാഗത്തുണ്ടായ ഷോര്ട്ട് സര്ക്യൂട്ടാണ് തീപ്പിടിത്തത്തിന് കാരണമായതെന്നാണ് പ്രാഥമിക നിഗമനം. സംഭവത്തെ കുറിച്ച വിദശദമായ അന്വേഷണം നടക്കുകയാണ്.
വസ്ത്രം മാറ്റിയെടുക്കാൻ എത്തിയ പന്ത്രണ്ടുകാരന് നേരെ ആക്രമണം; കഴുത്തിന് പിടിച്ചു തള്ളി ജീവനക്കാരൻ
കോഴിക്കോട്: കടയിലേക്ക് വസ്ത്രം മാറ്റിയെടുക്കാന് എത്തിയ പന്ത്രണ്ടുകാരന് നേരെ ജീവനക്കാരന്റെ ആക്രമണം. കോഴിക്കോട് തൊട്ടില്പ്പാലത്ത് വ്യാഴാഴ്ചയായിരുന്നു സംഭവം നടന്നത്. ആക്രമണത്തിൽ പരിക്കേറ്റ വിദ്യാര്ത്ഥി കുറ്റ്യാടി താലൂക്ക് ആശുപത്രിയില് ചികിത്സ തേടി.
സംഭവത്തില് ജീവനക്കാരനായ അശ്വന്തിനെതിരെ പൊലീസ് കേസെടുത്തിട്ടുണ്ട്. കടയില് നിന്ന് എടുത്ത വസ്ത്രം മാറ്റിയെടുക്കാൻ എത്തിയതായിരുന്നു കുട്ടി. എന്നാൽ ഇതിനിടെ ജീവനക്കാരന് കുട്ടിയെ തളളിയിടുകയായിരുന്നു. ആക്രമണത്തിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്.
