കൊച്ചി: കൊച്ചിയിൽ പുതുവത്സര ആഘോഷങ്ങളുടെ ഭാഗമായി ഫോര്ട്ടുകൊച്ചി വെളി മൈതാനത്ത് പാപ്പാഞ്ഞിയെ കത്തിക്കാന് അനുമതി നൽകി ഹൈക്കോടതി. ഉപാധികളോടെയാണ് ഹൈക്കോടതി അനുമതി നൽകിയത്. വെളി മൈതാനത്ത് പാപ്പാഞ്ഞിയെ കത്തിക്കുന്നത് തടഞ്ഞ പോലീസിന്റെ നടപടി ഹൈക്കോടതി സ്റ്റേ ചെയ്തു.(High Court granted permission to burn papaanji in veli ground, fort kochi)
പരേഡ് ഗ്രൗണ്ടിനു പുറമേ വെളി മൈതാനത്തു കൂടി പപ്പാഞ്ഞിയെ കത്തിക്കുന്നത് സുരക്ഷാ കാരണങ്ങള് ചൂണ്ടിക്കാട്ടിയാണ് പോലീസ് തടഞ്ഞിരുന്നത്. എന്നാൽ ഇതിനെതിരെ സംഘാടകരായ ഗാല ഡി ഫോര്ട്ട് കൊച്ചി നല്കിയ ഹര്ജിയിലാണ് കോടതിയുടെ നടപടി.
പാപ്പാഞ്ഞിക്ക് ചുറ്റും 72 അടിയില് സുരക്ഷാ ബാരിക്കേഡ് സ്ഥാപിക്കണം എന്ന് ഹൈക്കോടതി പറഞ്ഞു. വലിയ പാപ്പാഞ്ഞി കത്തിക്കുമ്പോള് അവശിഷ്ടങ്ങള് കൂടി നില്ക്കുന്നവരുടെ ദേഹത്ത് വീഴുന്നത് ഒഴിവാക്കാനാണ് നിർദേശം.
വെളി മൈതാനത്ത് ഗാലാ ഡി ഫോർട്ടുകൊച്ചി നിർമ്മിക്കുന്ന 50 അടി ഉയരമുള്ള പപ്പാഞ്ഞിയുടെ നിർമ്മാണം തടഞ്ഞു കൊണ്ടാണ് പൊലീസ് സംഘാടകർക്ക് നോട്ടീസ് നൽകിയിരുന്നത്. സുരക്ഷാ കാരണങ്ങൾ ചൂണ്ടി കാട്ടി പപ്പാഞ്ഞി പൊളിച്ചുമാറ്റാനായിരുന്നു ആവശ്യപ്പെട്ടിരുന്നത്.
ആരിഫ് മുഹമ്മദ് ഖാന് രാജ്ഭവൻ നാളെ യാത്രയയപ്പ് നൽകും; പുതിയ ഗവർണർ ചുമതലയേൽക്കുന്നത് ജനുവരി രണ്ടിന്
