കൊട്ടിയം: കൊട്ടിയം ക്ഷേത്രോത്സവ പരിസരത്തെ മൈതാനത്ത് കിടന്നുറങ്ങിയ യുവാവിന്റെ തലയിലൂടെ മിനി ബസ് കയറിറങ്ങി തത്ക്ഷണം മരിച്ചു. ക്ഷേത്രോത്സവത്തിന്റെ ഭാഗമായി രാത്രി കലാപരിപാടികള് നടക്കുന്നതിനിടെ സമീപത്തെ മൈതാനത്തു കിടന്നുറങ്ങുകയായിരുന്നു യുവാവ്. അപകടത്തെത്തുടർന്ന് യുവാവ് തത്ക്ഷണം മരിച്ചു. കണ്ണനല്ലൂര് ചേരിക്കോണം തെക്കതില്വീട്ടില് പൊന്നമ്മയുടെ മകന് രാജീവാ(25)ണ് മരിച്ചത്.
ചൊവ്വാഴ്ച പുലര്ച്ചെ ഒരുമണിയോടെ കണ്ണനല്ലൂര് മൈതാനത്തായിരുന്നു അപകടം. പൊന്നമ്മ ഉത്സവപരിപാടികള് കണ്ടുകൊണ്ടിരിക്കെ, ക്ഷേത്രമൈതാനത്തിനു പുറത്ത് ഫുട്ബോള് ഗ്രൗണ്ടില് കിടന്നുറങ്ങുകയായിരുന്നു രാജീവ്. അപകടമുണ്ടാക്കിയ വാഹനത്തിന്റെ ഡ്രൈവറെ പോലീസ് കസ്റ്റഡിയിലെടുത്തു.
