ആലപ്പുഴ: ആഭരണങ്ങളുടെ തിളക്കം കൂട്ടി നല്കാമെന്നുപറഞ്ഞ് വീട്ടിലെത്തിയ സംഘം വീട്ടമ്മയുടെ സ്വര്ണ്ണം കവര്ന്നതായി പരാതി. മങ്കൊമ്പ് അറുപതിന്ച്ചിറ കോളനിയില് ആതിര ഭവനില് തുളസി അനിലിന്റെ ഒരു പവന് തൂക്കം വരുന്ന സ്വര്ണ്ണമാലയാണ് മോഷ്ടിച്ചത്. ചൊവ്വാഴ്ച്ച ഉച്ചയോടെയാണ് സംഭവം.
സ്വര്ണ്ണം, വെള്ളി ആഭരണങ്ങള് തിളക്കംകൂട്ടി നല്കാമെന്നു പറഞ്ഞ് ഹിന്ദി സംസാരിക്കുന്ന രണ്ടുപേര് വീട്ടിലെത്തിയെന്നാണ് വിവരം. കൊച്ചുമകളുടെ വെള്ളി പാദസരം തിളക്കം കൂട്ടി നല്കി. തുടര്ന്ന് തുളസി തന്റെ ഒന്നര പവന്റെ താലി മാലയും നല്കുകയായിരുന്നു. മാല ഒരു ലായനിയില് മുക്കിയ ശേഷം കടലാസില് പൊതിഞ്ഞ് രണ്ട് മണിക്കൂറിന് ശേഷമെ തുറക്കാവു എന്ന് പറഞ്ഞു തിരികെ നൽകിയത്.
തിളക്കം കൂട്ടിയതിന് അമ്പത് രൂപയാണ് ഇരുവര്ക്കും കൂലി നല്കിയത്. എന്നാൽ പൊതി അഴിച്ചുനോക്കിയപ്പോള് തൂക്കം കുറഞ്ഞുവെന്നാണ് വീട്ടമ്മ പറയുന്നത്. തുടര്ന്ന് പൂങ്കുന്ന് പൊലീസില് പരാതി നല്കി. പ്രദേശത്തെ സിസിടിവി ദൃശ്യങ്ങള് പൊലീസ് പരിശോധിച്ചുവരികയാണ്.
Read Also: പാലക്കാട് കമ്പിവേലിയിൽ പുലി കുടുങ്ങി; കുതറിയാൽ രക്ഷപ്പെടും; ഭീതിയിൽ നാട്ടുകാർ
