16 ഓളം ഗൂഗിൾ എക്സ്റ്റൻഷനുകൾ ഹാക്ക് ചെയ്യപ്പെട്ടതായി സൂചന ലഭിച്ചതിനെ തുടർന്ന് മുപ്പത് ലക്ഷത്തിലേറെ വരുന്ന ഗൂഗിള് ക്രോം ഉപയോക്താക്കള്ക്ക് മുന്നറിയിപ്പ്. ഗൂഗിൾ ക്രോം സോഫ്റ്റ്വെയറിലേക്ക് അപകടകാരികളായ കോഡുകള് ഹാക്കര്മാര് കടത്തിവിട്ടതായിട്ടാണ് ഇപ്പോൾ കണ്ടെത്തിയിരിക്കുന്നത്.
ഹാക്കര്മാര്ക്ക്, ഉപയോക്താക്കളുടെ വിവരങ്ങള് ശേഖരിക്കാന് കഴിയുന്ന തരത്തിലാണ് ഇപ്പോള് ഹാക്കര്മാര് ബ്രൗസറിനെ നിയന്ത്രിക്കുന്നത് ഇതോടെ, ഗൂഗിള് ക്രോം ഡിലീറ്റ് ചെയ്യാന് ഉപയോക്താക്കളോട് ആവശ്യപ്പെട്ടിരിക്കുകയാണ് സൈബര് സെക്യൂരിറ്റി വിദഗ്ധര്.
ഇത് കണ്ടുപിടിച്ച ജിറ്റ്ലാബ് ത്രെട്ട് ഇന്റലിജന്സ് പറയുന്നത് ക്രോം ഈ എക്സ്റ്റന്ഷനുകള് സ്റ്റോറില് നിന്നും നീക്കം ചെയ്തു എന്നാണ്. എന്നാല്, ഇത് ഡൗണ്ലോഡ് ചെയ്തിട്ടുള്ള ഉപയോക്താക്കള് ഇവ മാനുവൽ ആയി നീക്കം ചെയ്യേണ്ടതുണ്ട്.
വ്യക്തിഗത വിവരങ്ങൾ ശേഖരിക്കുക മാത്രമല്ല, സേര്ച്ച് എഞ്ചിന് ഉപയോഗിച്ച് തട്ടിപ്പ് നടത്തുവാനും ഇവര്ക്കാകും. നിങ്ങൾ സേർച്ച് ചെയ്യുന്ന കാര്യങ്ങൾ മറ്റു സൈറ്റുകളിലേക്ക് തിരിച്ചുവിട്ട് കൂടുതൽ പരസ്യ വരുമാനം ഉണ്ടാകുകയാണ് ഹാക്കർമാർ ഇതിലൂടെ ലക്ഷ്യമിടുന്നത്.
വിഡിയോ ഇഫക്റ്റ്സ് ഫോര് യുട്യൂബ്, ഓഡിയോ എന്ഹാന്സര്, തീംസ് ഫോര് ക്രോം, ബ്ലിപ്ഷോട്ട്, ഇമോജിസ്, കളര് ചേഞ്ചര് ഫോര് യു ട്യൂബ്, യുട്യൂബ് പിക്ചര് ഇന് പിക്ചര്, ആഡ് ബ്ലോക്കര് ഫോര് ക്രോം, ആഡ്ബ്ലോക്ക് ഫോര് യു, കെ പ്രോക്സി, പേജ് റീഫ്രെഷ്, വിസ്റ്റിയ വീഡിയോ ഡൗണ്ലോഡര് തുടങ്ങി പതിനാറോളം എക്സ്റ്റന്ഷനുകളെയാണ് ഇപ്പോള് ഹാക്കിംഗ് ബാധിച്ചിരിക്കുന്നത്.
