സംസ്ഥാനത്ത് ഇന്നും സ്വർണ്ണ വിലയിൽ മാറ്റമില്ല. തുടർച്ചയായ രണ്ടാം ദിനമാണ് സ്വർണ്ണ വില മാറ്റമില്ലാതെ തുടരുന്നത്. കഴിഞ്ഞ 5 ദിവസങ്ങളായി സ്വർണ്ണ വില ഉയർന്നിട്ടില്ല. തിങ്കളാഴ്ച റെക്കോർഡിൽ എത്തിയ സ്വർണ്ണ വില പെട്ടെന്ന് ഇടിയുകയായിരുന്നു. ഒരു പവൻ സ്വർണ്ണത്തിന്റെ ഇന്നത്തെ വിപണി വില 53,120 രൂപയാണ്. ഇന്ന് ഒരു ഗ്രാം 22 കാരറ്റ്‌ സ്വർണ്ണത്തിന്റെ വില ഗ്രാമിന് 6640 രൂപയാണ്. ഒരു ഗ്രാം 18 കാരറ്റ്‌ സ്വർണ്ണത്തിന്റെ വില 5520 രൂപയായി. ഒരു ഗ്രാം വെള്ളിയുടെ വിപണി വില 96 രൂപയാണ്.
രണ്ടാഴ്ചയ്ക്കിടയിലുള്ള ഏറ്റവും കുറഞ്ഞ നിരക്കിലാണ് സ്വർണ്ണ വില. മൂന്ന് ദിവസംകൊണ്ട് 2020 രൂപയാണ് പവന് കുറഞ്ഞത്. ഭൗമരാഷ്ട്രീയ സംഭവവികാസങ്ങൾ സ്വർണ്ണ വിലയെ സ്വാധീനിക്കുന്നുണ്ട്. കഴിഞ്ഞ ദിവസം, നോർവേ,അയർലൻഡ്, സ്പെയിൻ എന്നീ രാജ്യങ്ങൾ പലസ്തീനെ അംഗീകരിച്ചത് സ്വർണ്ണവില കുറയുന്നതിന് ഒരു കാരണമായിരുന്നു. യു എസ് ഫെഡ് റിസർവ് പലിശ ഉയർത്തില്ലെന്ന സൂചന കിട്ടിയതോടെ സ്വർണ്ണ നിക്ഷേപം കുറഞ്ഞിരുന്നു. ഇതും വില കുറയ്ക്കാൻ കാരണമായിട്ടുണ്ട്.
Read More: മഴ കനത്തിട്ടും ഇടുക്കി ഡാമിൽ ജലനിരപ്പ് താഴുന്നു; കാരണമിതാണ്….
