ഈ സ്രാവിന്റെ ചിറകിനും പല്ലിനും ലക്ഷങ്ങൾ! വിഴിഞ്ഞത്ത് കൂറ്റൻ മത്സ്യം; ആവേശം പകർന്ന് ലേലം വിളി
വിഴിഞ്ഞം മത്സ്യബന്ധന തുറമുഖത്ത് കൂറ്റൻ അച്ചിണി സ്രാവ് പിടികൂടി. ഏകദേശം 350 കിലോയോളം ഭാരമുള്ള സ്രാവ് ലേലത്തിൽ 83,000 രൂപയ്ക്കാണ് വിറ്റുപോയത്.
ഈ വർഷം ഇതുവരെ വിഴിഞ്ഞത്ത് പത്തോളം കൂറ്റൻ സ്രാവുകളാണ് എത്തിച്ചതെന്ന് മത്സ്യത്തൊഴിലാളികൾ അറിയിച്ചു. ഏറെ പ്രയാസപ്പെട്ടാണ് ഇത്തരം വലിയ സ്രാവുകളെ കരയ്ക്കെത്തിക്കുന്നതെന്നും അവർ പറയുന്നു.
സ്രാവിന് വിദേശ വിപണികളിൽ വലിയ ആവശ്യകതയുണ്ട്. Thiruvananthapuram ജില്ലയിൽ സാധാരണയായി ഇവ ഭക്ഷണത്തിനായി ഉപയോഗിക്കാറില്ലെങ്കിലും, വടക്കൻ ജില്ലകളിൽ ഭക്ഷണത്തിൽ ഉൾപ്പെടുത്താറുണ്ടെന്നും മത്സ്യത്തൊഴിലാളികൾ വ്യക്തമാക്കി.
സ്രാവിന്റെ ചിറകുകൾ ഉണക്കി മരുന്ന് നിർമാണത്തിനും, നെയ്യ് മീനെണ്ണ ഗുളിക നിർമാണത്തിനും ഉപയോഗിക്കുന്നുണ്ട്. കൂടാതെ പല്ലുകൾ ഫാൻസി മാലകൾ നിർമ്മിക്കാനായി ഉപയോഗിക്കുന്നതായും മത്സ്യത്തൊഴിലാളികൾ പറയുന്നു.
English Summary
A giant thresher-type shark weighing around 350 kg was landed at the Vizhinjam Fishing Harbour and sold for ₹83,000 at auction. Fishermen said that about ten such large sharks have arrived at Vizhinjam so far this year. The shark has strong demand in international markets. While it is rarely consumed in Thiruvananthapuram, it is used as food in northern districts. Its fins are used for medicinal purposes, oil capsules are produced from its fat, and its teeth are used to make decorative ornaments.
giant-shark-landed-vizhinjam-fishing-harbour-auction-kerala
Vizhinjam, fishing harbour, giant shark, shark auction, fishermen, Thiruvananthapuram, seafood market, international demand, Kerala fisheries, marine catch
