കോട്ടയത്ത് ഗുണ്ടാസംഘങ്ങൾ ഏറ്റുമുട്ടി; എടിഎം കൗണ്ടറും കാറും തല്ലിത്തകർത്തു

പാലാ: കോട്ടയത്ത് ഗുണ്ടാസംഘങ്ങൾ തമ്മിൽ സംഘർഷം. എടിഎം കൗണ്ടറും രണ്ട് കാറുകളും തല്ലിത്തകർത്തു. കോട്ടയം പുതുപള്ളിയിൽ ആണ് സംഭവം.

പുതുപ്പള്ളിയിലെ ഇൻഡസിൻഡ് ബാങ്കിന്റെ എടിഎമ്മിനു നേരെയാണ് ആക്രമണം ഉണ്ടായത്. എടിഎമ്മിന് പുറത്തു കിടന്ന രണ്ട് കാറുകളും അക്രമികൾ തല്ലി തകർത്തു. രാത്രി 8 മണിയോടെയായിരുന്നു സംഭവം.

ഗുണ്ടാ സംഘങ്ങൾ തമ്മിലുള്ള ഏറ്റുമുട്ടലിനിടെയായിരുന്നു ആക്രമണം എന്നാണ് വിവരം. ഇവർ മദ്യ ലഹരിയിലായിരുന്നു. സംഘർഷത്തിൽ ഒരാൾക്ക് വെട്ടേറ്റിട്ടുണ്ട്. പ്രതികൾക്കായി കോട്ടയം ഈസ്റ്റ്‌ പൊലീസ് അന്വേഷണം ആരംഭിച്ചു.