തടവ് പുള്ളിയെ കാണാൻ എത്തിയ കൂട്ടുകാർ നടത്തിയ ആക്രമണത്തിൽ അസിസ്റ്റന്റ് പ്രിസൺ ഓഫീസർ ഉൾപ്പെടെ മൂന്ന് ഉദ്യോഗസ്ഥർക്ക് പരിക്ക്. സ്ഥിരം ക്രിമിനലുകളായ കോഴിക്കോട് സ്വദേശികൾ അജിത്ത് വർഗീസ് ജിൽഷാദ് മുഹമ്മദ് അനസ് എന്നിവരാണ് ഉദ്യോഗസ്ഥരെ ആക്രമിച്ചത്. ആക്രമണത്തിൽ പരിക്കേറ്റ അസിസ്റ്റന്റ് പ്രസന്റ് ഓഫീസർ നിധിൻ ഉദ്യോഗസ്ഥരായ എസി പ്രദീപ്, രഞ്ജിഷ് എന്നിവരെ കോഴിക്കോട് ജനറൽ ആശുപത്രിയിൽ പ്രവേശിപ്പിച്ചു. സംഘത്തെ പോലീസ് കസ്റ്റഡിയിലെടുത്തു.
ഇന്ന് വൈകിട്ട് അഞ്ചുമണിയോടെയാണ് തങ്ങളുടെ സുഹൃത്തായ തടവുപുള്ളിയെ കാണണമെന്ന് ആവശ്യപ്പെട്ട് യുവാക്കൾ ജയിലിന് മുന്നിലെത്തിയത്. എന്നാൽ തടപ്പുള്ളി മണിക്കൂറുകൾക്ക് മുൻപ് മാത്രമാണ് ജയിലിൽ എത്തിയതെന്ന് വെരിഫിക്കേഷൻ പൂർത്തിയാക്കാതെ ഇയാളെ കാണാൻ ആവില്ലെന്നും ഉദ്യോഗസ്ഥർ പറഞ്ഞു. മാത്രമല്ല സന്ദർശന സമയം അവസാനിച്ചതും അനുമതി നിഷേധിക്കാൻ കാരണമായി. എന്നാൽ ജയിൽ പരിസരത്തു നിന്നും പോകാൻ കൂട്ടാക്കാതെ എന്നാൽ യുവാക്കൾ ഉദ്യോഗസ്ഥരുടെ നേരെ തട്ടിക്കയറുകയും ആക്രമിക്കുകയും ആയിരുന്നു. കസബ പോലീസ് കസ്റ്റഡിയിലെടുത്ത മൂന്നുപേരും സ്ഥിരം കുറ്റവാളികളും നിരവധി കേസുകളിൽ പ്രതികളുമാണ്.
Read also: ഇൻസ്റ്റന്റ് നൂഡിൽസ് വില്ലനായി; ഏഴു വയസുകാരന് ദാരുണാന്ത്യം; ആറ് പേർ ആശുപത്രിയിൽ; ഒരാളുടെ നില ഗുരുതരം
