2024 പുരുഷ ടി20 ലോകകപ്പ് ക്രിക്കറ്റ് ബ്രാന്ഡ് അംബാസഡറായി മുന് ഇന്ത്യന് സൂപ്പര് താരം യുവരാജ് സിങ്. ഇന്റര്നാഷണല് ക്രിക്കറ്റ് കൗണ്സില് (ഐസിസി) ആണ് ഇത് സംബന്ധിച്ച പ്രഖ്യാപനം നടത്തിയത്. ജൂണ് ഒന്പതിന് ന്യൂയോര്ക്കില് നടക്കുന്ന ഇന്ത്യ-പാകിസ്താന് മത്സരങ്ങളുടേത് ഉള്പ്പെടെയുള്ള പ്രൊമോഷന് പരിപാടികളില് യുവരാജ് പങ്കെടുക്കും.
”യുവരാജ് ടി20 ലോകകപ്പ് അംബാസഡറാവുന്നതില് അഭിമാനിക്കുന്നു. അന്താരാഷ്ട്ര ടി20 മത്സരത്തില് ആദ്യമായി ഒരോവറില് ആറ് സിക്സ് നേടിയ താരമായ അദ്ദേഹത്തിന്റെ പേര് ടി20 ലോകകപ്പ് രംഗത്ത് സുപരിചിതമാണ്. നേരത്തേ ലോകകപ്പ് അംബാസഡര്മാരായി നിയമിച്ച ക്രിസ് ഗെയ്ല്, ഉസൈന് ബോള്ട്ട് എന്നിവര്ക്കൊപ്പം യുവരാജിനെയും ചേര്ക്കുന്നു”. ഐസിസി വക്താവ് അറിയിച്ചു. 2007 ടി20 ലോകകപ്പില് ഒരു ഓവറില് ആറ് സിക്സുകള് നേടിയ താരമാണ് യുവരാജ്. ആ ലോകകപ്പില് ഇന്ത്യ കിരീടം നേടുകയും ചെയ്തു.
Read also:ലോക്സഭ തെരഞ്ഞെടുപ്പ് വോട്ടെടുപ്പിനിടെ കുഴഞ്ഞു വീണ് മരിച്ചത് 7 പേർ; മരിച്ചവരിൽ 32 വയസുകാരനും
