ലഡാക്ക്: നിയന്ത്രണ രേഖക്കടുത്ത് സൈനിക അഭ്യാസത്തിനിടെ അപകടത്തിൽപ്പെട്ട് അഞ്ച് സൈനികർക്ക് വീരമൃത്യു. Five soldiers died in an accident during a military exercise near the Line of Control

ലഡാക്കിലെ യഥാർത്ഥ നിയന്ത്രണ രേഖയ്ക്ക് ലൈൻ ഒഫ് ആക്‌ച്വൽ കൺട്രോൾ, എൽഎസി സമീപത്ത് പുഴ മുറിച്ചുകടക്കുന്ന പ്രത്യേക പരിശീലനത്തിടെ ടാങ്ക് അപകടത്തിൽപ്പെടുകയായിരുന്നു.

 വീരചരമമടഞ്ഞ സൈനികരിൽ ഒരു ജൂനിയർ കമ്മിഷൻഡ് ഓഫീസർ ഉണ്ടായിരുന്നതായാണ് വിവരം. ലഡാക്കിൽ നിന്ന് 148 കിലോമീറ്റർ അകലെയുള്ള മന്ദിർ മോറിൽ പുലർച്ചെ ഒരു മണിയോടെയാണ് അപകടമുണ്ടായത്. 

ടി-72 എന്ന വിഭാഗത്തിൽപ്പെട്ട ടാങ്കായിരുന്നു അപകടത്തിൽപ്പെട്ടത്. സംഭവസ്ഥലത്ത് രക്ഷാപ്രവർത്തനം പുരോഗമിക്കുകയാണ്. മിന്നൽപ്രളയമാണ് അപകടകാരണമെന്ന് അധികൃതർ അറിയിച്ചു.