പാചകത്തിനിടെ തീപിടുത്തം; രണ്ട് സ്ത്രീകള്‍ ഉള്‍പ്പെടെ നാലു പേര്‍ക്ക് പൊള്ളലേറ്റു, അപകടം ഇടുക്കി അടിമാലിയിൽ

ഇടുക്കി: ഇടുക്കിയിൽ പാചകത്തിനിടെ തീപിടുത്തം. നാലുപേർക്ക് പൊള്ളലേറ്റു. ഇടുക്കി അടിമാലിക്ക് സമീപം തോക്കുപാറയിലാണ് അപകടമുണ്ടായത്.(fire in kitchen; Four people, including two women, were injured)

തോക്കുപാറ സൗഹൃഗിരിയിൽ ഇന്ന് ഉച്ചയ്ക്കാണ് അപകടം നടന്നത്. തോക്കുപാറ പുതിയമഠത്തിൽ ജോയി, ജോമോൻ , അഖില, അന്നമ്മ എന്നിവർക്കാണ് പൊളളലേറ്റത്. അടുക്കളയിലെ എൽ പി ജി സ്റ്റൗവിൽ നിന്ന് തീ പടരുകയായിരുന്നു.

സ്റ്റൗവിൽ നിന്ന് പെട്ടെന്ന് തീ ആളിപടരുകയായിരുന്നു എന്നാണ് വിവരം. പൊള്ളലേറ്റ നാലുപേരെയും അടിമാലി താലൂക്ക് ആശുപത്രിയിൽ പ്രവേശിപ്പിച്ചു. ആരുടെയും പൊളളൽ ഗുരുതരമല്ല.