ബെംഗളൂരു: ഇ വി ഷോറൂമിലുണ്ടായ തീപിടുത്തത്തിൽ ജീവനക്കാരി മരിച്ചു. ബെംഗളൂരു രാജ്കുമാര്‍ റോഡിലെ ‘മൈ ഇ വി സ്റ്റോര്‍’ ഷോറൂമിലാണ് തീപിടിത്തം ഉണ്ടായത്. ജീവനക്കാരി പ്രിയ ആണ് മരിച്ചത്.(Fire At E V Showroom In Bengaluru; Employee died)
ഇന്ന് വൈകിട്ടോടെയായിരുന്നു സംഭവം. ഇലട്രിക് സ്‌കൂട്ടറുകള്‍ സൂക്ഷിച്ച ഷോറൂമില്‍ തീയും പുകയും ഉയരുകയായിരുന്നു. സംഭവം ശ്രദ്ധയിൽപ്പെട്ട മറ്റു ജീവനക്കാർ ഓടി രക്ഷപ്പെട്ടെങ്കിലും പ്രിയ പുക ശ്വസിച്ചു അകത്ത് കുഴഞ്ഞു വീഴുകയായിരുന്നു. എന്നാൽ ഇക്കാര്യം ആരുടേയും ശ്രദ്ധയിൽപ്പെട്ടിരുന്നില്ല.
നിലവിൽ തീ നിയന്ത്രണ വിധേയമായിട്ടുണ്ട്. എന്നാൽ അഗ്‌നിശമന സേന എത്തുമ്പോഴേക്കും ഷോറൂമിലെ സ്‌കൂട്ടറുകള്‍ മുഴുവന്‍ കത്തി നശിച്ചിരുന്നു. തീപ്പിടിത്തത്തിന്റെ കാരണം വ്യക്തമല്ല. ഷോര്‍ട്ട് സര്‍ക്യൂട്ടാകാം കാരണം എന്നാണ് നിഗമനം. രാജാജിനഗര്‍ പൊലീസ് അന്വേഷണം ആരംഭിച്ചു.
