കൊച്ചി: പെരുമ്പാവൂർ അർബൻ സഹകരണ ബാങ്കിലെ സാമ്പത്തിക ക്രമക്കേടിൽ ഭരണസമിതി അംഗത്തെ അറസ്റ്റ് ചെയ്ത് പോലീസ്. റയോൺപുരം സ്വദേശി ഷറഫിനെയാണ് പെരുമ്പാവൂർ പൊലീസ് പിടികൂടിയത്. മുപ്പത്തിമൂന്ന് കോടിയിൽപ്പരം രൂപയുടെ ക്രമക്കേട് നടത്തിയതിന്റെ അടിസ്ഥാനത്തിലാണ് അറസ്റ്റ്.(Financial irregularities in Perumbavoor Urban Cooperative Bank; Governing body member arrested)

കേസെടുത്തതിനെ തുടർന്ന് ശ്രീലങ്കയിലേക്ക് കടക്കുന്നതിനായി നെടുമ്പാശ്ശേരി എയർപോർട്ടിൽ എത്തിയപ്പോഴാണ് ഇയാൾ പിടിയിലായത്. വര്ഷങ്ങളായി യുഡിഎഫ് ഭരിക്കുന്ന പെരുമ്പാവൂർ അർബൻ സഹകരണ ബാങ്കിൽ 100 കോടിയുടെ ക്രമക്കേട് ആരോപിച്ചാണ് സഹകരണ മന്ത്രിക്ക് നിക്ഷേപ സംരക്ഷണ സമിതി പരാതി നൽകിയത്.

വ്യാജ, ബിനാമി വായ്പകളിലൂടെ മുൻ ഭരണ സമിതി അംഗങ്ങളും സെക്രട്ടറിമാർ അടക്കമുള്ള ജീവനക്കാരും തട്ടിപ്പ് നടത്തിയെന്നായിരുന്നു പരാതി.