മുർഷിദാബാദ്: പശ്ചിമ ബംഗാളിൽ അനധികൃതമായ നടന്ന ബോംബ് നിര്‍മാണത്തിനിടെയുണ്ടായ സ്‌ഫോടനത്തിൽ മൂന്നുപേർ മരിച്ചു. മുർഷിദാബാദ് ജില്ലയിലെ ഖയാർത്തലയിലാണ് സ്ഫോടനം നടന്നത്. ഇന്നലെ രാത്രിയോടെയാണ് സംഭവം.(Explosion during bomb making in West Bengal; Three dead)
മാമുൻ മൊല്ല, സക്കീറുൾ സർക്കാർ, മുസ്താഖിൻ ഷെയ്ഖ് എന്നിവരാണ് മരിച്ചത്. ഇവരിൽ മാമുൻ മൊല്ലയുടെ വീട്ടിൽ വെച്ചാണ് സ്‌ഫോടകവസ്തുക്കൾ നിർമിച്ചത്. അപകടത്തിൽ വീടിന്റെ മേൽക്കൂര തകർന്നു.
വലിയ ശബ്ദം കേട്ടെങ്കിലും യഥാർത്ഥത്തിൽ എന്താണ് സംഭവിച്ചതെന്ന് അറിയില്ലായിരുന്നുവെന്ന് അയൽവാസികൾ പ്രതികരിച്ചു. പ്രദേശത്ത് പോലീസ് വിന്യസിച്ചിരിക്കുകയാണ്. അന്വേഷണം ശക്തമാക്കിയതായി അധികൃതര്‍ അറിയിച്ചു.
