കൊച്ചി: ആലപ്പുഴയിലെ ഹൈബ്രിഡ് കഞ്ചാവ് കേസില് നടന്മാര്ക്ക് നോട്ടീസ് നൽകി എക്സൈസ്. ഷൈന് ടോം ചാക്കോയ്ക്കും ശ്രീനാഥ് ഭാസിക്കുമാണ് നോട്ടീസ് അയച്ചത്.
ഇരുവരോടും തിങ്കളാഴ്ച ചോദ്യം ചെയ്യലിന് ഹാജരാകാനാണ് നോട്ടീസിൽ നിര്ദേശം നൽകിയിരിക്കുന്നത്. വാട്സ്ആപ്പ് ചാറ്റുകള് ഉള്പ്പടെയുള്ള തെളിവുകള് ശേഖരിച്ച ശേഷമാണ് എക്സൈസിന്റെ നീക്കം.
കേസിൽ അറസ്റ്റിലായ തസ്ലീമയുടെ ഫോണില് കൂടുതല് ചാറ്റുകള് കണ്ടെത്തിയത് ശ്രീനാഥ് ഭാസിമായിട്ടുള്ളതാണ്. ഷൈന് ടോം ചാക്കോയെയും മറ്റ് നടന്മാരെയും അറിയാമെന്ന് തസ്ലീമ എക്സൈസിനോട് വെളിപ്പെടുത്തിയിരുന്നു.
ഷൈന് ടോം ചാക്കോയുമായി ഒരുമിച്ച് ലഹരി ഉപയോഗിച്ചിട്ടുണ്ടെന്നും പ്രതി എക്സൈസിന് മൊഴി നല്കിയിരുന്നു. അതേസമയം തസ്ലീമയെ അറിയാമെന്ന് ഷൈന് ടോം ചാക്കോയും മൊഴി നല്കിയിട്ടുണ്ട്.
ഇരുവരും തമ്മില് ലഹരി ഇടപാട് നടന്നിട്ടുണ്ടോയെന്നതുൾപ്പെടെ എക്സൈസ് പരിശോധിക്കും.
പഹൽഗാം ഭീകരാക്രമണം; കൊല്ലപ്പെട്ടവരിൽ മലയാളിയും
