കൊച്ചി: വാഹനം ഓടിക്കുന്നതിനിടെ സൈറൺ മുഴക്കി ഒരു ആംബുലൻസ് വന്നാൽ എന്തു ചെയ്യണമെന്ന നിർദേശവുമായി പോലീസ്. സൈറണ് കേൾക്കുമ്പോൾ പലരും പരിഭ്രാന്തരാകുകയാണ് പതിവ്.
വാഹനം ഏത് വശത്തേക്ക് ഒതുക്കണമെന്ന ടെൻഷനിലായിരിക്കും മിക്ക ആളുകളും എന്നാൽ സഞ്ചരിക്കുന്ന വാഹനം ഇടത് വശത്തേക്ക് ഒതുക്കുകയാണ് വേണ്ടതെന്ന് കേരള പൊലീസ് അറിയിച്ചു. എന്നിട്ട് കഴിവതും ആംബുലൻസിനെ വലതു ഭാഗത്തു കൂടെ കടന്നു പോകാൻ അനുവദിക്കണം.
കേരള പൊലീസിന്റെ ഫെയ്സ്ബുക്ക് പോസ്റ്റിന് താഴെ പലരും റോഡിൽ നേരിടേണ്ടിവന്ന അനുഭവങ്ങൾ വെളിപ്പെടുത്തി.
ആംബുലൻസ് ഡ്രൈവർമാർക്കും ബോധവത്കരണം ആവശ്യമാണെന്നും അവരുടെ വാഹനത്തിൽ ഉള്ള ജീവന്റെ അതേ വിലയാണ് റോഡിൽ വണ്ടിയൊടിക്കുന്ന മറ്റു ജീവനുകൾക്കും എന്നായിരുന്നു ഒരു പ്രതികരണം.
എങ്ങോട്ടും ഒതുക്കാൻ കഴിയാത്തപ്പോഴും തൊട്ടു പിന്നിൽ വന്ന് ഹോൺ മുഴക്കി പരിഭ്രാന്തി പരത്തുന്നത് ശരിയല്ലെന്നാണ് മറ്റൊരാളുടെ അഭിപ്രായം.
മറ്റു വാഹനങ്ങൾക്ക് ഒതുക്കി കൊടുക്കാൻ സൈഡ് ഇല്ലെങ്കിലും ഭ്രാന്തമായ വേഗതയിൽ പേടിപ്പെടുത്തുന്ന രീതിയിലാണ് ആംബുലൻസുകൾ മിക്കതും വേഗത്തിൽ വരുന്നതെന്ന് ഒരാൾ കുറിച്ചു.
രോഗികൾ ഇല്ലാത്തപ്പോഴും ചിലപ്പോൾ അനാവശ്യമായി ആംബുലൻസുകൾ ഹോണ് മുഴക്കി പേടിപ്പിക്കുന്നു എന്നാണ് മറ്റൊരാളുടെ പരാതി.
മറ്റെല്ലാ വണ്ടികളും ആംബുലൻസിനു വേണ്ടി വഴി മാറിക്കൊടുക്കുമ്പോൾ, ആംബുലൻസിൻ്റെ പുറകേ വച്ച് പിടിക്കുന്ന ചില വിരുതൻമാരായ ബൈക്കുകാരുണ്ടെന്നാണ് മറ്റൊരു കമൻ്റ്.
dont-be-panic-if-you-hear-ambulance-siren-while-driving-what-to-do-how-to-make-a-way-listen-kerala-police
