അതിരപ്പിള്ളി പ്ലാന്റേഷൻ മേഖലയിൽ കാട്ടാന വീട് തകർത്തു. തോട്ടം തൊഴിലാളി ശ്രീജയുടെ വീടാണ് ഭാഗികമായി തകർത്തത്.പുലർച്ചെ 2 മണിക്കായിരുന്നു കാട്ടാനയുടെ ആക്രമണമുണ്ടായത്. ശ്രീജയും മകനും വീടിന്റെ പിൻവാതിലിലൂടെ കൂടി ഓടി രക്ഷപ്പെട്ടു.വീടിൻ്റെ മുൻഭാഗമാണ് കാട്ടാന തകർത്തത്. തോട്ടം മേഖലയിൽ മുമ്പും കാട്ടാന ആക്രമണം ഉണ്ടായിരുന്നു. കൃഷികൾ നശിപ്പിക്കുകയും വീടുകൾ തകർക്കുകയും ചെയ്തിരുന്നു.
കഴിഞ്ഞ ദിവസം പാലക്കാട് അയിലൂരിലെ പൂഞ്ചേരി, ചള്ള പ്രദേശങ്ങളിൽ കാട്ടാനകൾ കൃഷി നശിപ്പിച്ചിരുന്നു. കല്യാണക്കണ്ടം കെ.ബാലചന്ദ്രൻ, പുഞ്ചേരിക്കളം കെ.ചെന്താമരാക്ഷൻ, ജിജോ ഓണായിക്കര എന്നിവരുടെ കൃഷിയാണ് നശിപ്പിച്ചത്. ഇവരുടെ 25 ഓളം തെങ്ങുകൾ, 50ലേറെ വാഴകൾ, കമുകുകൾ, കുരുമുളക് എന്നിവയെല്ലാമാണ് കാട്ടാനക്കൂട്ടം നശിപ്പിച്ചത്.
Read Also : തിരുവനന്തപുരത്ത് യുവാവ് സുഹൃത്തിനെ വെട്ടിക്കൊന്നു
