കോട്ടയം: കൂനിക്കൂടിയ ശരീരവും കൈവിറയലും സാവധാനത്തിലുള്ള പ്രവർത്തനങ്ങളും വാർധക്യത്തിന്റെ ലക്ഷണങ്ങളുമായിട്ടാണ് പലരും കരുതുന്നത്. DBS is a cure for Parkinson’s disease. The neurology department of Caritas Hospital has successfully completed the surgery

പക്ഷേ, ഈ അവസ്ഥ 50 വയസ്സിനോടടുത്ത് ഒരാളിൽ കണ്ടാൽ, പാർക്കിൻസൻസ് രോഗമാണെന്നു മനസ്സിലാക്കുക. 

വളരെ മന്ദഗതിയിൽ പ്രവൃത്തികൾ ചെയ്യുക. കൈകാലുകൾക്ക് വിറയൽ ഉണ്ടാകുക. പേശികൾക്ക് അസാധാരണ പിടുത്തം ഉണ്ടാവുക എന്നിവയെല്ലാം ഈ രോഗത്തിന്റെ ലക്ഷണങ്ങളാണ്.

പാർക്കിൻസൻസ് രോഗത്തിന് പരിഹാരമായ ഡി.ബി.എസ്. ശസ്ത്രക്രിയ വിജയകരമായി പൂർത്തിയാക്കിയിരിക്കുകയാണ് കാരിത്താസ് ആശുപത്രിയിലെ ന്യൂറോളജിവകുപ്പ്.

ഡി.ബി.എസ്. ചെയ്യുന്നതുകൊണ്ട് രോഗലക്ഷണങ്ങൾ കുറയുകയും തന്മൂലം കാര്യങ്ങൾ ചെയ്യുന്നതിന് എളുപ്പമാകുകയുംചെയ്യും.

തലച്ചോറിൽ രണ്ട് ഇലക്ട്രോഡ് ന്യൂറോസർജറി വിദഗ്‌ധരുടെ സഹായത്തോടെ വെയ്ക്കുകയും ശേഷം അത് നെഞ്ചിൽ തൊലിക്കടിയിൽ വെയ്ക്കുന്ന ബാറ്ററിയുമായി ഘടിപ്പിക്കുകയുംചെയ്യും. 

ബാറ്ററിയിലെ ചെറിയ വൈദ്യുതി ഉപയോഗിച്ചു രോഗലക്ഷണനിയന്ത്രണം ലക്ഷ്യമിടുന്നു. ബാറ്ററിയുടെ മോഡൽ അനുസരിച്ച് ആറ് മുതൽ 15 വർഷംവരെ ഉപയോഗിക്കാനാകും.

പുതിയ ചികിത്സാരീതികൾ സാധാരണക്കാരിൽ എത്തിക്കുവാൻ സാധിക്കുന്നതിൽ ഏറെ അഭിമാനം ഉണ്ടെന്ന് കാരിത്താസ് ആശുപത്രി ഡയറക്ടർ ഫാ.ബിനു കുന്നത്ത് അഭിപ്രായപ്പെട്ടു.