“കന്യാസ്ത്രീകളുടേതുപോലെ നിർധനരായ പാസ്റ്റർമാർക്കും വൈദികർക്കും പെൻഷൻ അനുവദിക്കണം”

“കന്യാസ്ത്രീകളുടേതുപോലെ നിർധനരായ പാസ്റ്റർമാർക്കും വൈദികർക്കും പെൻഷൻ അനുവദിക്കണം”

തിരുവനന്തപുരം: കന്യാസ്ത്രീകൾക്ക് മാത്രമല്ല, നിർധനരായ പാസ്റ്റർമാർക്കും വൈദികർക്കും പെൻഷൻ അനുവദിക്കണമെന്ന് ചേരമ സാംബവ ഡെവലപ്മെന്റ് സൊസൈറ്റി (CSDS) ആവശ്യപ്പെട്ടു. 

കന്യാസ്ത്രീകൾക്ക് പെൻഷൻ നൽകാനുള്ള സംസ്ഥാന സർക്കാരിന്റെ തീരുമാനത്തെ സ്വാഗതം ചെയ്യുന്നുവെന്ന് സിഎസ്ഡിഎസ് സംസ്ഥാന പ്രസിഡന്റ് കെ.കെ. സുരേഷ് ഫേസ്ബുക്ക് കുറിപ്പിലൂടെ വ്യക്തമാക്കി.

സാമ്പത്തിക ഞെരുക്കം ചൂണ്ടിക്കാട്ടുന്ന സർക്കാർ പട്ടികവിഭാഗങ്ങൾക്ക് നൽകേണ്ട 158 കോടി രൂപ ലാപ്സാക്കുകയും ഇ-ഗ്രാൻറ് വിതരണം ചെയ്യാതിരിക്കുകയും ചെയ്ത സാഹചര്യത്തിലാണ് ഇത്തരം പെൻഷൻ പ്രഖ്യാപനമെന്ന് സുരേഷ് വിമർശിച്ചു.

 കന്യാസ്ത്രീകൾക്ക് പ്രഖ്യാപിച്ച പെൻഷൻ ഏത് പഠനത്തിന്റെ അടിസ്ഥാനത്തിലാണെന്നും, നിലവിലെ സാഹചര്യത്തിൽ ഇത് അനിവാര്യതയാണോയെന്നും അദ്ദേഹം ചോദിച്ചു.

അതേസമയം, മതസ്ഥാപനങ്ങളിലെ കന്യാസ്ത്രീകൾ ഉൾപ്പെടെയുള്ള സ്ത്രീകൾക്ക് സാമൂഹിക സുരക്ഷാ ആനുകൂല്യം നൽകാനുള്ള മന്ത്രിസഭാ തീരുമാനം സ്വാഗതാർഹമാണെന്ന് കെസിബിസി ജാഗ്രതാ കമ്മീഷൻ പ്രതികരിച്ചു. 

വിഷയവുമായി ബന്ധപ്പെട്ട് നടക്കുന്ന വ്യാജപ്രചാരണങ്ങൾ ഗൂഢലക്ഷ്യത്തോടെയാണെന്നും അടിസ്ഥാനരഹിതമായ ആരോപണങ്ങൾ വാസ്തവവിരുദ്ധമാണെന്നും കമ്മീഷൻ വ്യക്തമാക്കി.

50 വയസിന് മുകളിൽ പ്രായമുള്ള അവിവാഹിതരായ സ്ത്രീകൾക്ക് നൽകുന്ന പെൻഷൻ, മഠങ്ങൾ, ആശ്രമങ്ങൾ, മതസ്ഥാപനങ്ങൾ എന്നിവിടങ്ങളിൽ താമസിക്കുന്ന കന്യാസ്ത്രീകൾ ഉൾപ്പെടെയുള്ള അർഹരായ സ്ത്രീകൾക്കും ലഭ്യമാക്കാനാണ് ബുധനാഴ്ച ചേർന്ന മന്ത്രിസഭാ യോഗം തീരുമാനിച്ചത്.

English Summary

The Cherama Sambava Development Society (CSDS) has demanded that pension benefits should be extended not only to nuns but also to economically backward pastors and priests. While welcoming the Kerala government’s decision to provide pensions to nuns, CSDS state president K.K. Suresh questioned the rationale behind the move, citing lapses in welfare funds meant for Scheduled Communities. Meanwhile, the KCBC Vigilance Commission supported the cabinet decision, dismissing allegations and misinformation surrounding the issue.

csds-demands-pension-for-pastors-priests-along-with-nuns-kerala

Kerala pension, nuns pension, CSDS, K K Suresh, pastors pension demand, priests pension, Kerala cabinet decision, KCBC Vigilance Commission, social security scheme