ന്യൂഡല്ഹി: കേരളം ഉറ്റുനോക്കുന്ന കോണ്ഗ്രസ് സ്ഥാനാര്ത്ഥി പ്രഖ്യാപനം അവസാന ഘട്ടത്തിലേക്ക്.
സ്ഥാനാര്ത്ഥി നിര്ണ്ണയത്തിനായി കോണ്ഗ്രസ് കേന്ദ്ര തെരഞ്ഞെടുപ്പ് സമിതി നാളെ വീണ്ടും നിർണ്ണായക യോഗം ചേരും.
ഇന്നലെ നടന്ന ചർച്ചകളിൽ 31 സ്ഥാനാര്ത്ഥികളുടെ ആദ്യ പട്ടികയ്ക്ക് അംഗീകാരം നല്കിയിരുന്നു.
സിറ്റിങ്ങ് എംഎല്എമാര് ഭൂരിഭാഗവും പട്ടികയിൽ ഇടംപിടിച്ചെങ്കിലും ചില പ്രമുഖരുടെ കാര്യത്തിൽ ഇനിയും തീരുമാനമായിട്ടില്ല.
എൽദോസ് കുന്നപ്പിള്ളിക്ക് സീറ്റ് ലഭിക്കുമോ? പെരുമ്പാവൂരിൽ പകരക്കാരനായി മനോജ് മൂത്തേടൻ വരുമോ?
പെരുമ്പാവൂർ മണ്ഡലത്തിൽ നിലവിലെ എംഎൽഎ എൽദോസ് കുന്നപ്പിള്ളി വീണ്ടും മത്സരിക്കുമോ എന്ന കാര്യത്തിലാണ് രാഷ്ട്രീയ കേന്ദ്രങ്ങൾ ഏറ്റവും കൂടുതൽ ഉറ്റുനോക്കുന്നത്.
എൽദോസിനെതിരെയുള്ള കേസിന്റെ വിശദാംശങ്ങൾ സ്ക്രീനിങ് കമ്മിറ്റി നാളെ വിശദമായി പരിശോധിക്കും.
നിയമപരമായ തടസ്സങ്ങളോ ധാർമ്മികമായ വെല്ലുവിളികളോ ഉണ്ടെന്ന് കണ്ടാൽ എൽദോസിനെ മാറ്റിനിർത്താനാണ് ഹൈക്കമാൻഡ് ആലോചിക്കുന്നത്.
അങ്ങനെയെങ്കിൽ മുൻ ജില്ലാ പഞ്ചായത്ത് പ്രസിഡന്റ് മനോജ് മൂത്തേടനായിരിക്കും പെരുമ്പാവൂരിൽ നറുക്ക് വീഴുക.
പാലക്കാട് രാഹുൽ മാങ്കൂട്ടത്തിൽ പുറത്തേക്ക്? രമേഷ് പിഷാരടിയിലൂടെ അട്ടിമറിക്ക് കോൺഗ്രസ് നീക്കം!
യുവനേതാവ് രാഹുൽ മാങ്കൂട്ടത്തിലിനെ പാലക്കാട് മണ്ഡലത്തിൽ പരിഗണിക്കേണ്ടതില്ലെന്നാണ് നിലവിലെ ധാരണ.
പകരം താരപരിവേഷമുള്ള ഒരാളെ ഇറക്കി മണ്ഡലം നിലനിർത്താനാണ് പാർട്ടി ശ്രമിക്കുന്നത്.
നടൻ രമേഷ് പിഷാരടിയുടെ പേര് പാലക്കാട് മണ്ഡലത്തിലേക്ക് സജീവമായി ഉയർന്നു കേൾക്കുന്നുണ്ട്.
പിഷാരടി എത്തുന്നതോടെ മണ്ഡലത്തിൽ വലിയൊരു ഓളം ഉണ്ടാക്കാൻ സാധിക്കുമെന്നാണ് ഒരു വിഭാഗം നേതാക്കളുടെ കണക്കുകൂട്ടൽ.
യാത്രക്കാരുടെ ശ്രദ്ധയ്ക്ക്; തിരുവനന്തപുരം ഡിവിഷനിൽ ട്രെയിൻ സർവീസുകളിൽ മാറ്റം
തൃപ്പൂണിത്തുറയിൽ കെ. ബാബുവിന് പകരം ആര്? രാജു പി. നായരും ദീപക് ജോയിയും നേർക്കുനേർ!
സീനിയർ നേതാവ് കെ. ബാബു ഇത്തവണ മത്സരിക്കാനില്ലെന്ന് വ്യക്തമാക്കിയതോടെ തൃപ്പൂണിത്തുറയിൽ പുതിയ മുഖത്തെ തേടുകയാണ് കോൺഗ്രസ്.
യൂത്ത് കോൺഗ്രസ് നേതാവ് രാജു പി. നായർ, ദീപക് ജോയി എന്നിവരുടെ പേരുകളാണ് ഇവിടെ പരിഗണനയിലുള്ളത്.
മധുസൂദനൻ മിസ്ത്രിയുടെ നേതൃത്വത്തിലുള്ള സ്ക്രീനിങ് കമ്മിറ്റി നാളത്തെ യോഗത്തോടെ ഈ തർക്കങ്ങൾക്കും പരിഹാരം കാണും.
English Summary
The Congress Central Election Committee is meeting in New Delhi tomorrow to finalize the candidate list for the Kerala Assembly elections. While 31 sitting MLAs have been cleared, the future of Eldhose Kunnappilly in Perumbavoor remains uncertain due to ongoing legal scrutiny. In Palakkad, the party is reportedly considering actor Ramesh Pisharody over Rahul Mamkootathil. Additionally, in Tripunithura, names like Raju P. Nair and Deepak Joy are being discussed following K. Babu’s decision not to contest.
