ബാലഗോകുലത്തിന്റെ ശോഭായത്രയ്ക്കിടെ ചെറിയ രീതിയിൽ സംഘർഷം. ശോഭായാത്ര കടന്നുവരുമ്പോള്‍ കുട്ടികള്‍ക്ക് മലയിന്‍കീഴ് ജങ്ഷനില്‍ ബാലസംഘം പ്രവര്‍ത്തകര്‍ ഐസ്‌ക്രീം നല്‍കാന്‍ ശ്രമിച്ചത് ആര്‍.എസ്.എസ്. പ്രവര്‍ത്തകര്‍ തടഞ്ഞതാണ് സംഘർഷത്തിനിടയാക്കിയത്. Conflict between Sobhayatra of Balagokulam
ശോഭായത്ര എത്തുന്നതിനു തൊട്ടുമുന്‍പാണ് ജങ്ഷനില്‍ ബാലസംഘം പ്രവര്‍ത്തകര്‍ പ്രത്യേക കൗണ്ടര്‍ ഒരുക്കി ഐസ്‌ക്രീം വിതരണത്തിന് തയ്യാറെടുത്തത്. സി.പി.എം. ഏരിയാ കമ്മിറ്റി അംഗം എം.അനില്‍കുമാര്‍, മലയിന്‍കീഴ് എല്‍.സി സെംക്രട്ടറി സന്തോഷ്‌കുമാര്‍ എന്നിവരുടെ നേതൃത്വത്തിലായിരുന്നു ഐസ്‌ക്രീം വിതരണം. ഇതറിഞ്ഞ ആര്‍.എസ്.എസ്. പ്രവര്‍ത്തകര്‍ ഈ ഭാഗത്തേയ്ക്കു ശോഭായാത്ര എത്തിയപ്പോള്‍ കൈകള്‍കോര്‍ത്ത് വേലി സൃഷ്ടിച്ചു.
ഇതിനിടയില്‍ ഐസ്‌ക്രീം നല്‍കാന്‍ ബാലസംഘത്തിലെ കുട്ടികളും തയ്യാറെടുത്തു. ആര്‍.എസ്.എസ്. പ്രവര്‍ത്തകര്‍ അത് തടഞ്ഞു. ഇതോടെ ഇരുവിഭാഗത്തിലുള്ളവര്‍ തമ്മില്‍ വാക്പ്പോരായി. സംഭവം സംഘര്‍ഷത്തിലേയ്ക്കു കടന്നപ്പോള്‍ ഇരു വിഭാഗത്തിലേയും നേതാക്കളെത്തി രംഗം ശാന്തമാക്കി പിരിഞ്ഞു. ഐസ്‌ക്രീം ബാലസംഘം പ്രവര്‍ത്തകര്‍ ശോഭായാത്ര കാണാനെത്തിയവര്‍ക്ക് വിതരണംചെയ്തു പ്രശ്നം പരിഹരിച്ചു.
