പുതിയ 3 വന്ദേ ഭാരത് മെട്രോ ട്രെയിൻ പ്രഖ്യാപിച്ചു റെയിൽവേ. വന്ദേ ഭാരത് എക്‌സ്പ്രസിൻ്റെ വിജയത്തെ തുടർന്ന് ആദ്യ ഘട്ടത്തിൽ ഭോപ്പാലിൽ നിന്ന് മൂന്ന് വന്ദേ ഭാരത് മെട്രോ ട്രെയിനുകൾ സർവീസ് നടത്തും.ഭോപ്പാലിൽ നിന്ന് മൂന്ന് വന്ദേ ഭാരത് മെട്രോ ട്രെയിനുകളിൽ ആദ്യ ഘട്ടം ആരംഭിക്കുമെന്നാണ് റെയിവേ അറിയിച്ചിരിക്കുന്നത്. ദീർഘദൂര ട്രെയിനുകളിലെ ലോഡ് കുറയ്ക്കുകയും പ്രധാന നഗരങ്ങളെ സമീപ നഗരങ്ങളുമായി ബന്ധിപ്പിക്കുകയും ചെയ്യുക എന്നതാണ് ലക്ഷ്യം. പുതിയ ട്രെയിനുകളുടെ ഷെഡ്യൂൾ ജൂൺ 3 നകം ഇന്ത്യൻ റെയിൽവേ പ്രഖ്യാപിക്കും. ട്രയൽ റൺ 2024 ജൂലൈയിൽ ആരംഭിക്കും.
ആദ്യ ഘട്ടത്തിൽ, വന്ദേ ഭാരത് മെട്രോ ഭോപ്പാലിൽ നിന്ന് ബേതുൽ, സാഗർ, ഷാജാപൂർ എന്നിവിടങ്ങളിലേക്ക് ആയിരിക്കും.
പ്രാരംഭ ഘട്ടത്തിൽ 200 കിലോമീറ്റർ വരെയുള്ള റെയിൽവേ സ്റ്റേഷനുകൾ മെട്രോ കവർ ചെയ്യും. മണിക്കൂറിൽ 120 കിലോമീറ്റർ വേഗതയിൽ പായുന്ന ട്രെയിനുകളാകും ഇത്. ടിക്കറ്റ് നിരക്ക് സ്ലീപ്പർ ക്ലാസ് നിരക്കുകൾക്ക് തുല്യമോ 15% വരെ കൂടുതലോ ആയിരിക്കുമെന്ന് പ്രതീക്ഷിക്കുന്നു. മെട്രോ കോച്ചുകൾക്ക് സമാനമായി, ഈ ട്രെയിനുകളിലെ 80% സീറ്റുകളും മുൻകൂട്ടി റിസർവ് ചെയ്യാം. ബാക്കിയുള്ള 20% സീറ്റുകൾ യാത്രക്കാർക്ക് സ്റ്റേഷൻ വഴിയോ യുടിഎസ് ആപ്പ് വഴിയോ ബുക്ക് ചെയ്യാൻ ലഭ്യമാകും.
