ചിന്നക്കനാലിൽ നിന്നും അരിക്കൊമ്പനെ പിടികൂടി നാടുകടത്തിയെങ്കിലും പ്രദേശവാസികൾക്ക് തലവേദനാകുകയാണ് ചക്കക്കൊമ്പൻ. കഴിഞ്ഞ ദിവസം പ്രദേശത്തെ റേഷൻ കടയുടെ ഭിത്തി ചക്കക്കൊമ്പൻ തകർത്തു . ആനയിറങ്കലിലെ റേഷൻകടയാണ് അരിക്കായി ചക്കക്കൊമ്പൻ തകർത്തത്. Chinkanal in fear of elephant threat
അരിക്കൊമ്പൻ മുൻപ് പലതവണ ഈ റേഷൻകട തകർത്തിരുന്നു. തുടർന്ന് റേഷൻകടയുടെ ചുറ്റും വൈദ്യുത വേലിയും സ്ഥാപിച്ചു. എന്നാൽ ഈ വൈദ്യുത വേലി കഴിഞ്ഞ ദിവസം ചക്കക്കൊമ്പൻ തകർത്തു.
മുൻപ് ചക്ക ഭക്ഷിച്ചിരുന്ന ചക്കക്കൊമ്പന് ഇപ്പോൾ ചക്കയേക്കാൾ താത്പര്യം അരിയാണ്. ഇതാണ് പ്രദേശവാസികളെ ഭീതിയിലാഴ്ത്തുന്നത്. അരിതപ്പി ചക്കക്കൊമ്പൻ വീടുകളിലെത്തുമോ എന്ന് തോട്ടം തൊഴിലാളികൾ ഉൾപ്പെടെ ഭയക്കുന്നു. ഓഗസ്റ്റ് 21 ന് ചക്കക്കൊമ്പന്റെ കുത്തേറ്റ് മൊട്ടവാലൻ എന്ന കാട്ടാന ചെരിഞ്ഞിരുന്നു.
