ചൈനയിൽ പുതിയ ബുള്ളറ്റ് ട്രെയിൻ എത്തുന്നു. ലോകത്തെ ഏറ്റവും വേഗമേറിയ ബുള്ളറ്റ് ട്രെയിന്‍ എന്നാണ് ചൈന അവകാശപ്പെടുന്നത്. മണിക്കൂറില്‍ 450 കിലോമീറ്റര്‍ വേഗത്തില്‍ സഞ്ചരിക്കാനാവുന്ന CR450 പ്രോട്ടോടൈപ്പ് മോഡലാണ് പുറത്തിറക്കിയത്.China shocks by unveiling the world’s fastest bullet train
മണിക്കൂറില്‍ 350 കിലോമീറ്റർ വേഗപരിധിയുള്ള CR400 മോഡലായിരുന്നു ഇതുവരെ ഏറ്റവും വേഗമേറിയ ബുള്റ്റ് ട്രെയിന്‍. CR450 ഞായറാഴ്ചയാണ് പുറത്തിറക്കിയത്.
പരീക്ഷണയോട്ടത്തിൽ മണിക്കൂറില്‍ 450 കിലോമീറ്റര്‍ വേഗം കൈവരിക്കാനായതായി അധികൃതര്‍ അറിയിച്ചു. പുതിയ മോഡല്‍ യാത്രാസമയം കുറയ്ക്കാനും കണക്റ്റിവിറ്റി മെച്ചപ്പെടുത്താനും കൂടുതല്‍ സൗകര്യപ്രദവും കാര്യക്ഷമവുമായ യാത്രാനുഭവം പ്രദാനം ചെയ്യാനും കഴിയുന്നതാണെന്ന് ചൈന റെയില്‍വേ അറിയിച്ചു.
ലാഭകരമായി കണക്കാക്കാനാവില്ലെങ്കിലും ഹൈസ്പീഡ് റെയില്‍ നെറ്റ്‌വര്‍ക്ക് വിപുലീകരണം രാജ്യത്തിന്റെ സാമ്പത്തിക-സാമൂഹിക വികസനത്തില്‍ നിര്‍ണായകമായ പങ്കുവഹിച്ചിട്ടുണ്ടെന്നും യാത്രാ സമയം കുറയ്ക്കുകയും ചെയ്തിട്ടുണ്ടെന്ന് ചൈന വ്യക്തമാക്കുന്നു.
ചൈന ഹൈസ്പീഡ് ബുള്ളറ്റ് ട്രെയിനുകള്‍ കൂടുതലായി ഇറക്കുന്നുണ്ടെങ്കിലും ബെയ്ജിങ്-ഷാങ്ഹായ് ട്രെയിന്‍ സര്‍വീസ് മാത്രമാണ് ലാഭകരമായി ഓടുന്നത്. മറ്റു നെറ്റ്‌വര്‍ക്കുകള്‍ ഇതുവരെ ലാഭകരമായിട്ടില്ല.
