കൊച്ചി: നടൻ സിദ്ദിഖിനെതിരായ പീഡനക്കേസിൽ കുറ്റപത്രം ഉടൻ സമർപ്പിക്കും. പീഡനം നടന്നു എന്നതിന് കൃത്യമായ തെളിവുകൾ കുറ്റപത്രത്തിൽ പറയുന്നു. സിദ്ദിഖിനെതിരായ സാക്ഷിമൊഴികളും, സിനിമയിൽ അവസരം വാഗ്ദാനം ചെയ്തായിരുന്നു പീഡനമെന്നും കുറ്റപത്രത്തിൽ പറയുന്നുണ്ട്.
പീഡനം നടന്നെന്ന് പറയുന്ന തിരുവനന്തപുരം മസ്കറ്റ് ഹോട്ടലിൽ നേരത്തെ തന്നെ പൊലീസ് എത്തി തെളിവെടുപ്പ് നടത്തിയിരുന്നു. പരാതിക്കാരിയായ നടിയുമായി എത്തിയായിരുന്നു പൊലീസ് തെളിവെടുപ്പ്. പീഡനം നടന്ന മുറി അന്വേഷണ ഉദ്യോഗസ്ഥർക്ക് നടി കാണിച്ചു കൊടുത്തിരുന്നു. 101 ഡി എന്ന മുറിയിലായിരുന്നു സിദ്ദിഖ് താമസിച്ചിരുന്നതെന്ന് പൊലീസ് കണ്ടെത്തുകയും ചെയ്തു.
