ഇടുക്കിയിൽ തമിഴ്നാട് അതിർത്തി കേന്ദ്രീകരിച്ച് ചാരായം വാറ്റ് സജീവമാകുന്നു എന്ന സൂചനയെത്തുടർന്ന് എക്സൈസ് നടത്തിയ പരിശോധനയിൽ 40 ലിറ്റർ വാറ്റുചാരായം പിടിച്ചെടുത്തു. Charayam VAT centered on the Kerala-Tamil Nadu border at Idukki
കേരള-തമിഴ്നാട് അതിർത്തിയിൽ കുഴിപ്പെട്ടി ഭാഗത്ത് നിന്നുമാണ് 40 ലിറ്റർ ചാരായം കണ്ടെത്തിയത്. രഹസ്യ വിവരത്തെ തുടർന്ന് ഉടുമ്പൻചോല എക്സൈസ് റേഞ്ച് ഇൻസ്പെക്ടർ ടി. രഞ്ജിത്ത് കുമാറിന്റെ നേതൃത്വത്തിൽ കുഴിപ്പെട്ടി ഭാഗത്ത് ് നടത്തിയ പരിശോധനയിൽ 20 ലിറ്ററിന്റെ രണ്ടു കന്നാസുകളിലായി സൂക്ഷിച്ചിരുന്ന 40 ലിറ്റർ ചാരായം കണ്ടെത്തി കേസ് എടുത്തു. പ്രതി ആരെന്നു തിരിച്ചറിഞ്ഞിട്ടില്ല.
ഈ പ്രദേശം കേന്ദ്രീകരിച്ചുകൊണ്ട് തുടർന്നുള്ള ദിവസങ്ങളിലും കൂടുതൽ പരിശോധന നടത്തും. പരിശോധനയിൽ അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ് ) പി.ഡി.സേവിയർ , പ്രിവന്റിവ് ഓഫീസർ (ഗ്രേഡ്) വി.ജെ. ജോഷി , സിവിൽ എക്സൈസ് ഓഫീസർ പ്രഫുൽ ജോസ് എന്നിവർ പങ്കെടുത്തു.
