തിരുവനന്തപുരം: സംസ്ഥാനത്ത് പ്രഖ്യാപിച്ചിരുന്ന മഴ മുന്നറിയിപ്പില് മാറ്റം. ഇന്ന് രണ്ട് ജില്ലകളില് കൂടി പുതിയതായി ഓറഞ്ച് അലേര്ട്ട് പ്രഖ്യാപിച്ചു. തൃശൂര്, എറണാകുളം ജില്ലകളിലാണ് ഓറഞ്ച് അലേര്ട്ട് പ്രഖ്യാപിച്ചിരിക്കുന്നത്.
നേരത്തേ ഇടുക്കി, പാലക്കാട്, മലപ്പുറം, വയനാട് ജില്ലകളിലായിരുന്നു ഓറഞ്ച് അലേര്ട്ട് ഉണ്ടായിരുന്നത്. കൂടാതെ ഇന്ന് ആറ് ജില്ലകളില് യെല്ലോ അലേര്ട്ടും പ്രഖ്യാപിച്ചിട്ടുണ്ട്.
പത്തനംതിട്ട, ആലപ്പുഴ, കോട്ടയം, കോഴിക്കോട്, കണ്ണൂര്, കാസര്കോട് ജില്ലകളിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്. നാളെ മൂന്ന് ജില്ലകളില് ഓറഞ്ച് അലേര്ട്ട് ആണ്. ഇടുക്കി, മലപ്പുറം, വയനാട് ജില്ലകളിൽ നാളെ ഓറഞ്ച് അലേര്ട്ട് ആണ്.
നാളെ എട്ട് ജില്ലകളില് യെല്ലോ അലേര്ട്ടും പ്രഖ്യാപിച്ചിട്ടുണ്ട്. പത്തനംതിട്ട, കോട്ടയം, എറണാകുളം, തൃശൂര്, പാലക്കാട്, കോഴിക്കോട്, കണ്ണൂര്, കാസര്കോട് ജില്ലകളിലാണ് നാളെ യെല്ലോ അലേര്ട്ട് മുന്നറിയിപ്പുള്ളത്.
വെള്ളി, ശനി ദിവസങ്ങളിലും മഴ മുന്നറിയിപ്പ് ഉണ്ട്. വെള്ളി, ശനി ദിവസങ്ങളില് പത്ത് ജില്ലകളില് ആണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്.
ഈ രണ്ട് ദിവസങ്ങളിലും സമാനമായി കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെല്ലോ അലേര്ട്ട് ഉള്ളത്.
Summary: The rain alert in Kerala has been updated with an Orange Alert newly issued for two more districts — Thrissur and Ernakulam — due to the likelihood of intense rainfall.
