മോഷ്ടിച്ച വാഹനങ്ങളുമായി നിരത്തിലിറങ്ങുന്നവരേയും കുറ്റകൃത്യം നടത്തി വാഹനങ്ങളില് മുങ്ങുന്നവരേയും ഇനി എളുപ്പത്തിൽ പിടികൂടാം. എ.എന്.പി.ആര്. ക്യാമറകളെ പോലീസിന്റെ ക്രൈം ആന്ഡ് ക്രിമിനല് നെറ്റ്വര്ക്കിങ് സംവിധാനവുമായി ബന്ധപ്പെടുത്തുന്നതോടെയാകും ഇത് സാധ്യമാവുക. പോലീസ് സ്ഥാപിച്ച ഓട്ടോമാറ്റിക് നമ്പര് പ്ലേറ്റ് ഡിറ്റക്ഷന് ക്യാമറകളില് (എ.എന്.പി.ആര്. ക്യാമറ) നിന്നുള്ള വിവരങ്ങള് മോണിറ്ററിങ് കേന്ദ്രത്തില്നിന്ന് സ്റ്റേഷന് ഹൗസ് ഓഫീസര് (എസ്.എച്ച്.ഒ.) മാര്ക്ക് ഇനി നേരിട്ട് ലഭിക്കും.
എല്ലാ ജില്ലകളില്നിന്നുള്ള വിവരങ്ങളും ദൃശ്യങ്ങളും സംയോജിപ്പിക്കുന്നത് പോലീസ് ആസ്ഥാനത്തെ കേന്ദ്രത്തിലാണ്.
കേരളത്തിലെ വിവിധ ജില്ലാ അതിര്ത്തികളിലും പ്രധാനപ്പെട്ട കേന്ദ്രങ്ങളിലും മൂന്നുവര്ഷം മുമ്പ് കേരളാ പോലീസ് എ.എന്.പി.ആര്. ക്യാമറകള് സ്ഥാപിച്ചിരുന്നു. ഇവയില് നിന്നുള്ള വിവരങ്ങള് ജില്ലാ കേന്ദ്രങ്ങളിലെ കണ്ട്രോള് റൂമുകളിലാണ് ലഭിക്കുന്നത്.
