പാലക്കാട്: മദ്യപിച്ച് അമിതവേഗതയിലോടിച്ച കാറിടിച്ച് രണ്ടുപേർ മരിച്ചു. പാലക്കാട് കൊടുവായൂരിലാണ് അപകടം നടന്നത്. വണ്ടാരി സ്വദേശികളായ 65 വയസ്സുള്ള വയോധികനും 60 വയസ്സുള്ള വയോധികയും ആണ് മരിച്ചത്.( car accident; two died in palakkad)
റോഡ് മുറിച്ചു കടക്കുന്നതിനിടെ ഇരുവരെയും കാറിടിക്കുകയായിരുന്നു. കിഴക്കേത്തല പള്ളിക്ക് സമീപം ഇന്ന് ഉച്ചയ്ക്ക് രണ്ടു മണിയ്ക്ക് ശേഷമാണു അപകടം ഉണ്ടായത്. മദ്യലഹരിയിൽ കാര്‍ ഓടിച്ച എലവഞ്ചേരി സ്വദേശി പ്രേംനാഥ്‌ പി മേനോനെ(45) പൊലീസ് കസ്റ്റഡിയിലെടുത്തു.
ഇടിയുടെ ആഘാതത്തിൽ ഇരുവരും മീറ്ററുകളോളം ദൂരത്തേക്കാണ് തെറിച്ച് വീണത്. ഇവരെ ഉടൻ പാലക്കാട് ജില്ലാ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
