ന്യൂഡൽഹി: രാജ്യം മുഴുവൻ ഉറ്റുനോക്കുന്ന സാമ്പത്തിക പ്രഖ്യാപനങ്ങൾക്ക് ഇനി മണിക്കൂറുകൾ മാത്രം ബാക്കി.
കേന്ദ്ര ധനമന്ത്രി നിർമ്മല സീതാരാമൻ നാളെ രാവിലെ 11 മണിക്ക് പാർലമെന്റിൽ ബജറ്റ് അവതരിപ്പിക്കും.
പതിവിനു വിപരീതമായി ഒരു ഞായറാഴ്ചയാണ് ഇത്തവണ ബജറ്റ് എത്തുന്നത് എന്നതിനാൽ വിപണി ലോകത്തും വലിയ ആകാംക്ഷയാണ് നിലനിൽക്കുന്നത്.
മൊറാർജി ദേശായിയുടെ സിംഹാസനത്തിന് അരികിലേക്ക് നിർമ്മല; തുടർച്ചയായ ഒമ്പതാം ബജറ്റിലൂടെ ചരിത്രം തിരുത്തിക്കുറിക്കാൻ ധനമന്ത്രി
ഇന്ത്യൻ പാർലമെന്ററി ചരിത്രത്തിൽ സമാനതകളില്ലാത്ത നേട്ടത്തിലേക്കാണ് നിർമ്മല സീതാരാമൻ ചുവടുവെക്കുന്നത്.
മുൻ പ്രധാനമന്ത്രി മൊറാർജി ദേശായിയുടെ 10 ബജറ്റുകൾ എന്ന റെക്കോർഡിന് തൊട്ടടുത്തെത്തുകയാണ് നിർമ്മല തന്റെ ഒമ്പതാമത്തെ ബജറ്റ് അവതരണത്തിലൂടെ.
2019 മുതൽ ധനമന്ത്രി കസേരയിൽ തുടരുന്ന അവർ, പി. ചിദംബരത്തിന്റെയും പ്രണബ് മുഖർജിയുടെയും റെക്കോർഡുകളെയും ഇതോടെ മറികടക്കും.
മോദി സർക്കാരിന്റെ തുടർച്ചയായ സാമ്പത്തിക നയങ്ങളുടെ മുഖമായി നിർമ്മല സീതാരാമൻ മാറുന്ന കാഴ്ചയാണിത്.
റെയർ എർത്ത് കോറിഡോറും വന്യജീവി പ്രതിരോധവും; കേന്ദ്രത്തിന്റെ പെട്ടി തുറക്കുമ്പോൾ കേരളം കാത്തിരിക്കുന്ന ആ വമ്പൻ പദ്ധതികൾ
കേരളത്തിന്റെ വികസന ഭൂപ്പടം മാറ്റിവരയ്ക്കുന്ന പദ്ധതികൾക്കായാണ് ഇത്തവണ സംസ്ഥാനം മുറവിളി കൂട്ടുന്നത്.
വിഴിഞ്ഞം മുതൽ കൊച്ചി വരെയുള്ള തീരമേഖലയെ ഒരു വ്യവസായ ഹബ്ബാക്കി മാറ്റുന്ന ‘റയർ എർത്ത് കോറിഡോർ’ ആണ് ഇതിൽ ഏറ്റവും പ്രധാനം.
കൂടാതെ, വന്യജീവി ആക്രമണങ്ങളിൽ പൊറുതിമുട്ടുന്ന ജനതയ്ക്കായി 1000 കോടി രൂപയുടെ പ്രത്യേക സഹായവും,
മുതിർന്ന പൗരന്മാർക്കും പ്രവാസികൾക്കുമായി പ്രത്യേക പാക്കേജുകളും കേരളം പ്രതീക്ഷിക്കുന്നുണ്ട്.
സി ജെ റോയിയുടെ സംസ്കാരം ഇന്ന്, മരണത്തില് വിശദമായ അന്വേഷണത്തിന് ബംഗളൂരു പൊലീസ്
റബർ കർഷകരുടെ കണ്ണീരൊപ്പാൻ 1000 കോടിയും സപ്ലൈകോയ്ക്ക് വൻ കരുത്തും; കേന്ദ്ര ബജറ്റിൽ കേരളം ആവശ്യപ്പെട്ട ‘സർപ്രൈസ്’ ലിസ്റ്റ്
സംസ്ഥാനത്തെ കാർഷിക മേഖലയെ തകർച്ചയിൽ നിന്ന് രക്ഷിക്കാനുള്ള മരുന്നാണ് കേരളം കേന്ദ്രത്തോട് ചോദിച്ചിരിക്കുന്നത്.
റബർ വിലയിടിവ് തടയാൻ 1000 കോടി രൂപയുടെ വിലസ്ഥിരതാ ഫണ്ട്, നെല്ല് സംഭരണത്തിനായി സപ്ലൈകോയ്ക്ക്
2000 കോടി രൂപയുടെ ധനസഹായം എന്നിവയാണ് പട്ടികയിലെ പ്രധാനികൾ. ഇതിനുപുറമെ തേയില, കാപ്പി തുടങ്ങിയ നാണ്യവിളകളുടെ ബ്രാൻഡിംഗിനായി
പ്രത്യേക ഫണ്ട് കൂടി ലഭിച്ചാൽ അത് കേരളത്തിന്റെ ഗ്രാമീണ സമ്പദ്വ്യവസ്ഥയ്ക്ക് വലിയ ഉണർവ് നൽകും.
English Summary
Finance Minister Nirmala Sitharaman will present her 9th consecutive Union Budget tomorrow at 11 AM, a significant milestone nearing Morarji Desai’s record. Despite being a Sunday, stock markets will be active. Kerala’s wishlist is ambitious, featuring a Rare Earth Corridor, a ₹1000 crore package for human-wildlife conflict mitigation, and ₹2000 crore for Supplyco to streamline paddy procurement.
