അമേരിക്കയില് ജോലി വാഗ്ദാനം ചെയ്ത് പണം തട്ടിയ ബിഷപ്പ് കോട്ടയത്ത് അറസ്റ്റിൽ. മണിമല സ്വദേശി സന്തോഷ് പി. ചാക്കോയാണ് പോലീസിന്റെ പിടിയിലായത്. കോട്ടയത്തെ ഒരു സ്വതന്ത്ര സഭയുടെ ബിഷപ്പ് ആണ് ഇദ്ദേഹം.
കുറിച്ചി സ്വദേശിയായ യുവാവിന് അമേരിക്കയിൽ ജോലി വാഗ്ദാനം ചെയ്ത് രണ്ടരലക്ഷം രൂപ പ്രതി തട്ടിയെടുക്കുകയായിരുന്നു. പണം വാങ്ങിയിട്ടും ജോലി കിട്ടാത്തതിനെ തുടര്ന്നാണ് യുവാവ് പരാതി നല്കിയത്.
ചിങ്ങവനം പൊലീസ് ആണ് പ്രതിയെ കസ്റ്റഡിയിലെടുത്തത്. ഇയാള്ക്കെതിരെ മണിമല, ചങ്ങനാശ്ശേരി, മണര്കാട്, തൃശ്ശൂര് സ്റ്റേഷനുകളില് കേസുണ്ട്. മാസങ്ങൾക്ക് മുൻപായിരുന്നു കേസിനാസ്പദമായ സംഭവം.
മുൻപ് മറ്റൊരു സഭയിൽ വൈദികനായിരുന്ന ഇയാൾ, സ്വന്തമായി സഭ രൂപീകരിച്ച് വൈദിക പ്രവർത്തനങ്ങളുമായി മുന്നോട്ട് പോകുകയായിരുന്നു.
