പാലാരിവട്ടം ചക്കരപ്പറമ്പിൽ വാഹനാപകടത്തിൽ രണ്ട് ബൈക്ക് യാത്രികർക്ക് ദാരുണാന്ത്യം. ഒരേ ദിശയിൽ വരികയായിരുന്ന കെ.എസ്.ആർ.ടി.സി ബസുകൾക്കിടയിൽ ബൈക്ക് കുടുങ്ങിയാണ് അപകടമുണ്ടാത്. ഇന്ന് പുലർച്ചെ ആറ് മണിയോടെയാണ് അപകടം നടന്നത്. മരിച്ചവരെ ഇതുവരെ തിരിച്ചറിഞ്ഞിട്ടില്ല.
അപകടത്തെ തുടർന്ന് ബൈക്ക് ബസിനടിയിലേക്ക് കയറിപ്പോയിരുന്നു. രാവിലെ ഇവിടെ മഴയുണ്ടായിരുന്നു. മുന്നിലുണ്ടായിരുന്ന കെ.എസ്.ആർ.ടി.സി ബസ് ആളെയിറക്കാനായി വേഗത കുറച്ചസമയത്ത് പിന്നാലെയെത്തിയ കെ.എസ്.ആർ.ടി.സി സ്കാനിയ ബസ് മറികടക്കാൻ ശ്രമിച്ചപ്പോഴാണ് ബൈക്ക് ഇതിനിടയിൽപെട്ടത്. ഫയർഫോഴ്സ് എത്തിയാണ് ബസിനടിയിൽ കുടുങ്ങിയ രണ്ട് ബൈക്ക് യാത്രികരെയും പുറത്തെടുത്തത്. മൃതദേഹങ്ങൾ ആശുപത്രിയിലേക്ക് മാറ്റി.
Read More: പ്രണയമെടുത്ത ജീവൻ, പാനൂർ വിഷ്ണുപ്രിയ കൊലക്കേസിൽ വിധി ഇന്ന്
Read More: ജസ്ന ജീവിച്ചിരിപ്പുണ്ടോ? മരിച്ചെങ്കിൽ മൃതദേഹം എവിടെ?; തുടരന്വേഷണം വേണോ? ഇന്ന് അറിയാം
