ആലപ്പുഴ: ആലപ്പുഴയിൽ ബൈക്ക് അപകടത്തിൽ യുവാവ് മരിച്ചു. മാന്നാർ ഇരമത്തൂരിൽ വെച്ചാണ് അപകടമുണ്ടായത്. ചെന്നിത്തല സ്വദേശി അജിത്തിന്റെ മകൻ ജഗൻ (23) ആണ് മരിച്ചത്.
അപകടത്തിൽ അഞ്ചുപേരുടെ നില ഗുരുതരമാണ്. ഇവരെ പരുമലയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇതിൽ രണ്ടുപേരുടെ നില അതീവ ഗുരുതരമായതിനെ തുടർന്ന് രണ്ട് പേരെ വെൻ്റിലേറ്ററിലേക്ക് മാറ്റിയിട്ടുണ്ട്.
മാന്നാറിലെ ക്ഷേത്രത്തിലെ ശിവരാത്രി മഹോത്സവം കഴിഞ്ഞ് രാത്രി തിരിച്ചു മടങ്ങും വഴിയാണ് ദാരുണമായ അപകടം നടന്നത്. രണ്ട് ബൈക്കുകളിൽ സഞ്ചരിച്ച ആറ് പേർ അപകടത്തിൽപ്പെടുകയായിരുന്നു. അപകടത്തിൽ ഇരു ബൈക്കുകളും പൂർണമായി തകർന്നു.
