എല്ലാ ഇന്ത്യക്കാര്ക്കും അഭിമാനകരമായ നിമിഷമാണിത്. യുനെസ്കോയുടെ മെമ്മറി ഓഫ് വേള്ഡ് രജിസ്റ്ററില് ഭഗവദ്ഗീതയും നാട്യശാസ്ത്രവും ഇടം പിടിച്ചിരിക്കുകയാണ്. ആഗോള പ്രാധാന്യമുള്ള ഡോക്യുമെന്ററി പൈതൃകം സംരക്ഷിക്കുന്ന യുനെസ്കോയുടെ മെമ്മറി ഓഫ് ദി വേള്ഡ് രജിസ്റ്ററില് ആണ് ശ്രീമദ് ഭഗവദ്ഗീതയും ഭരത് മുനിയുടെ നാട്യശാസ്ത്രവും ഇടം നേടിയത്.
യുനെസ്കോയുടെ മെമ്മറി ഓഫ് ദി വേള്ഡ് രജിസ്റ്റര് തലമുറകളായി പ്രധാനപ്പെട്ട ചരിത്ര ഗ്രന്ഥങ്ങള്, കൈയെഴുത്തുപ്രതികള്, രേഖകള് എന്നിവയെ അംഗീകരിക്കുന്നതാണ്.
ആഗോള പ്രാധാന്യമുള്ള ഡോക്യുമെന്ററി പൈതൃകം സംരക്ഷിക്കാന് ലക്ഷ്യമിട്ടുള്ള യുനെസ്കോയുടെ മെമ്മറി ഓഫ് ദി വേള്ഡ് രജിസ്റ്ററില് ഇന്ത്യയ്ക്ക് നിലവില് 14 എന്ട്രികള് ലഭിച്ചിട്ടുണ്ടെന്നാണ് റിപ്പോര്ട്ട്.
എല്ലാ ഇന്ത്യക്കാര്ക്കും അഭിമാനകരമായ നിമിഷമെന്ന് പ്രധാനമന്ത്രി എക്സിൽ കുറിച്ചു. രജിസ്റ്ററില് ഇന്ത്യയ്ക്ക് ലഭിച്ച 14 എന്ട്രികള് ലോകമെമ്പാടുമുള്ള ഓരോ ഇന്ത്യക്കാരനും അഭിമാനകരമായ നിമിഷമാണെന്ന് പ്രധാനമന്ത്രി നരേന്ദ്ര മോദി വിശേഷിപ്പിച്ചു.
യുനെസ്കോയുടെ ലോക മെമ്മറി രജിസ്റ്ററില് ഗീതയും നാട്യശാസ്ത്രവും ഉള്പ്പെടുത്തുന്നത് നമ്മുടെ കാലാതീതമായ ജ്ഞാനത്തിനും സമ്പന്നമായ സംസ്കാരത്തിനും ലഭിച്ച ആഗോള അംഗീകാരമാണ്.ഭഗവദ്ഗീതയും നാട്യശാസ്ത്രവും നൂറ്റാണ്ടുകളായി നാഗരികതയെ പരിപോഷിപ്പിച്ചിട്ടുണ്ട്. അവയുടെ ഉള്ക്കാഴ്ചകള് ലോകത്തെ പ്രചോദിപ്പിച്ചു കൊണ്ടിരിക്കുന്നുവെന്നും പ്രധാനമന്ത്രി എക്സില് കുറിച്ചു.
