ബെവ്കോയിൽ മദ്യം വാങ്ങാനെത്തിയവർ നടുറോഡിൽ ഏറ്റുമുട്ടി; രണ്ടുപേർ അറസ്റ്റിൽ
തിരുവനന്തപുരം: ബെവ്കോ ഔട്ട്ലറ്റിൽ മദ്യം വാങ്ങാനെത്തിയവർക്കിടയിൽ ഉണ്ടായ ഏറ്റുമുട്ടൽ മൂലം വെള്ളറട ജംഗ്ഷന് സമീപം ഗതാഗതം തടസപ്പെട്ടു.
തിരുവനന്തപുരം വെള്ളറട ജംഗ്ഷനും സമീപത്തെ ബെവ്കോ ഔട്ട്ലറ്റിനുമിടയിലെ റോഡിലാണ് വൈകുന്നേരത്തോടെ സംഭവം ഉണ്ടായത്.
മദ്യം വാങ്ങാനെത്തിയവർ തമ്മിൽ പെട്ടെന്ന് തർക്കം ഉണ്ടാകുകയും ഇത് കൈയ്യാങ്കളിയിലേക്കു മാറുകയുമായിരുന്നു. സംഭവത്തെ തുടർന്ന് പ്രദേശത്ത് പരിഭ്രാന്തി പടർന്നു.
റോഡിൽ ആളുകൾ കൂട്ടംകൂടിയതോടെ വാഹന ഗതാഗതവും ഏറെ നേരം മുടങ്ങി.
വിവരം ലഭിച്ചതിനെ തുടർന്ന് വെള്ളറട പൊലീസ് സ്ഥലത്തെത്തി ഇടപെട്ട് സ്ഥിതിഗതികൾ നിയന്ത്രണവിധേയമാക്കി.
പന്നിമല സ്വദേശി ഷിബിനും കീഴാറൂർ ശാസ്താംകോണം സ്വദേശി അജയനും തമ്മിലായിരുന്നു ഏറ്റുമുട്ടൽ.
അക്രമത്തിന് ശേഷം സ്ഥലത്ത് നിന്ന് രക്ഷപ്പെടാൻ ശ്രമിക്കുന്നതിനിടെയാണ് നാട്ടുകാരുടെ വിവരത്തിന്റെ അടിസ്ഥാനത്തിൽ പൊലീസ് ഇരുവരെയും പിടികൂടിയത്.
ഇരുവർക്കുമെതിരേ കേസെടുത്ത പൊലീസ് പിന്നീട് സ്റ്റേഷൻ ജാമ്യത്തിൽ വിട്ടയച്ചു.
English Summary
A clash broke out between two men who came to buy liquor at a BEVCO outlet near Vellarada junction in Thiruvananthapuram, causing traffic disruption. Police intervened, arrested both persons and later released them on station bail.
bevco-outlet-clash-vellarada-traffic-disruption-thiruvananthapuram
Thiruvananthapuram, Vellarada, Bevco, liquor outlet clash, traffic disruption, Kerala local news, police action
