ലൈഫ് ജാക്കറ്റ് പോലും ഊരിമാറ്റി, കടൽച്ചുഴിയിൽപ്പെട്ട കുടുംബത്തെ രക്ഷിക്കാൻ 4 കിലോമീറ്റർ നീന്തി; 13കാരൻ ഓസ്റ്റിൻ ലോകഹീറോ
പെർത്ത്: കടൽച്ചുഴിയിൽപ്പെട്ട അമ്മയുടെയും രണ്ട് സഹോദരങ്ങളുടെയും ജീവൻ രക്ഷിക്കാൻ സ്വന്തം ജീവൻ പണയം വെച്ച് നാല് കിലോമീറ്റർ നീന്തി കരയിലെത്തി സഹായം വിളിച്ച 13 വയസുകാരൻ ഓസ്റ്റിൻ അപ്പൽബി ലോകശ്രദ്ധ നേടുന്നു.
ഓസ്ട്രേലിയയുടെ പടിഞ്ഞാറൻ തീരപ്രദേശമായ ക്വിൻഡലപ്പിൽ അവധിക്കാലം ആഘോഷിക്കവെയാണ് കുടുംബം അപകടത്തിൽപ്പെട്ടത്.
ജനുവരി 30-നായിരുന്നു സംഭവം. ഓസ്റ്റിൻ, അമ്മ ജോവാൻ, സഹോദരങ്ങളായ ബ്യൂ (12), ഗ്രേസ് (8) എന്നിവർ കയാക്കിംഗിനും പാഡിൽ ബോർഡിംഗിനുമായി കടലിലിറങ്ങിയപ്പോൾ അപ്രതീക്ഷിതമായി ശക്തമായ കാറ്റും വലിയ തിരമാലകളും വീശി.
ഇതോടെ അവർ തീരത്തുനിന്ന് കിലോമീറ്ററുകളോളം അകലേക്ക് ഒഴുകിപ്പോയി.
തിരികെ തീരത്തെത്താൻ മറ്റ് മാർഗങ്ങളില്ലാതെ വന്നതോടെ സഹായം തേടി കരയിലേക്ക് നീന്താൻ ഓസ്റ്റിൻ തീരുമാനിച്ചു. പ്രക്ഷുബ്ധമായ കടലിലൂടെ നാല് മണിക്കൂറോളം മരണത്തോട് മല്ലിട്ട് നീന്തിയാണ് ഈ കൗമാരക്കാരൻ കരയ്ക്കടുത്തത്.
നീന്തലിന്റെ ആദ്യ ഭാഗത്ത് ഓസ്റ്റിൻ ലൈഫ് ജാക്കറ്റ് ധരിച്ചിരുന്നു. എന്നാൽ അത് വേഗത കുറയ്ക്കുന്നുവെന്ന് മനസിലായതോടെ, ജീവൻ അപകടത്തിലാണെന്ന് അറിഞ്ഞിട്ടും ലൈഫ് ജാക്കറ്റ് ഊരിമാറ്റി നീന്തൽ തുടരുകയായിരുന്നു.
കരയിലെത്തിയ ഉടൻ തന്നെ ക്ഷീണം മൂലം ഓസ്റ്റിൻ തളർന്ന് വീണെങ്കിലും, കുടുംബാംഗങ്ങൾ എവിടെയാണെന്ന് കൃത്യമായി രക്ഷാപ്രവർത്തകർക്ക് വിവരം കൈമാറാൻ അവനായി.
ഓസ്റ്റിൻ നൽകിയ വിവരങ്ങളുടെ അടിസ്ഥാനത്തിൽ ഹെലികോപ്റ്ററുകളും ബോട്ടുകളും ഉപയോഗിച്ച് നടത്തിയ തിരച്ചിലിൽ രാത്രി 8.30ഓടെ അമ്മയെയും കുട്ടികളെയും കണ്ടെത്തി.
തീരത്തുനിന്ന് 14 കിലോമീറ്റർ അകലെ ഒരു ബോർഡിൽ പിടിച്ചു നിൽക്കുന്ന നിലയിലാണ് അമ്മയും രണ്ട് കുട്ടികളും രക്ഷാപ്രവർത്തകർ കണ്ടെത്തിയത്.
ഓസ്റ്റിന്റെ ധൈര്യപൂർണമായ ഇടപെടൽ ഇല്ലായിരുന്നെങ്കിൽ വലിയ ദുരന്തമുണ്ടാകാമായിരുന്നുവെന്ന് അധികൃതർ പറഞ്ഞു.
“സ്പൈഡർമാനെയും ബാറ്റ്മാനെയും പോലെ ഒരു യഥാർത്ഥ സൂപ്പർ ഹീറോയാണ് ഈ മകൻ.”
– രക്ഷാപ്രവർത്തനത്തിന് നേതൃത്വം നൽകിയ ഇൻസ്പെക്ടർ ജെയിംസ് ബ്രാഡ്ലി.
നിലവിൽ ചികിത്സയിൽ കഴിയുന്ന കുടുംബാംഗങ്ങൾ അപകടനില തരണം ചെയ്തിട്ടുണ്ട്. ഓസ്റ്റിന്റെ അസാധാരണ ധൈര്യത്തെയും മനക്കരുത്തിനെയും സോഷ്യൽ മീഡിയയിലും മാധ്യമങ്ങളിലും വ്യാപകമായി പ്രശംസിക്കുകയാണ്.
English Summary
A 13-year-old boy named Austin Appleby became a hero in Australia after swimming for nearly four hours (around 4 km) through rough sea conditions to reach shore and call for help, saving his mother and two siblings who were caught in a sea current. He even removed his life jacket to swim faster. Based on his information, rescue teams located the family 14 km offshore and brought them to safety.
australia-13-year-old-austin-swims-4km-saves-family
Austin Appleby, Australia, Perth, Quindalup, Sea rescue, Hero boy, Swimming, Family rescue, Life jacket, Kayaking, Paddle boarding, Coast guard, Helicopter rescue, Viral news
