കോവിഡ് വാക്സിനുമായി ബന്ധപ്പെട്ട വിവാദങ്ങള്ക്കിടയില് വാക്സ്സെവരിയ പിന്വലിക്കുന്നു.കോവിഡ് വാക്സിനുകളായ കോവിഷീല്ഡിൻ്റെയും വാക്സ്സെവരിയയുടെയും സുരക്ഷയുമായി ബന്ധപ്പെട്ട ആശങ്കകള് നിലനില്ക്കെയാണ് ആഗോളതലത്തില് വാക്സ്സെവരിയ പിന്വലിക്കാനുള്ള തീരുമാനം വരുന്നത്.
ഫാര്മസ്യൂട്ടിക്കല് കമ്പനിയായ അസ്ട്രസെനെക തീരുമാനിച്ചതായാണ് ദ ടെലഗ്രാഫ് റിപ്പോര്ട്ട്. വാക്സിന് ഇനി നിര്മിക്കുകയോ വിതരണം ചെയ്യുകയോ ചെയ്യില്ലെന്നും അസ്ട്രസെനെക അറിയിച്ചു. വാക്സിന് പിന്വലിക്കാനുള്ള അപേക്ഷ മാര്ച്ച് അഞ്ചിന് കമ്പനി തയ്യാറാക്കിയിരുന്നെങ്കിലും ഇത് കഴിഞ്ഞ ദിവസമാണ് പ്രാബല്യത്തില് വന്നത്.
കൂടാതെ യൂറോപ്പിലേക്കുള്ള വാക്സിന്റെ മാര്ക്കറ്റിങ് അംഗീകാരവും കമ്പനി പിന്വലിച്ചതായി വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്തു.2021 ഏപ്രില് 21-ന് യുകെ സ്വദേശിയായ ജെയ്മി സ്കോട്ടിന് വാക്സിന് എടുത്തതിനു പിന്നാലെ മസ്തിഷ്കാഘാതം സംഭവിച്ചതോടെയാണ് നിയമനടപടികള് ആരംഭിച്ചത്.
വളരെ അപൂര്വമായി തങ്ങളുടെ വാക്സിനുകള് ത്രോമ്പോസിസ് ത്രോമ്പോസൈറ്റോപീനിയ സിന്ഡ്രോം (ടിടിഎസ്), രക്തം കട്ടപിടിക്കുന്ന അപൂര് രോഗം (ത്രോമ്പോസിസ്), പ്ലേറ്റ്ലെറ്റിന്റെ എണ്ണം കുറയല് (ത്രോമ്പോസൈറ്റോപീനിയ) തുടങ്ങിയ രോഗങ്ങള്ക്ക് കാരണമാകാമെന്ന് അസ്ട്രസെനെക യുകെ കോടതിയില് വെളിപ്പെടുത്തിയിരുന്നു.
