അൻപതിനായിരത്തോളം വിലവരുന്ന ലഹരി; കഴക്കൂട്ടം- കാരോട് ദേശീയപാതയിൽ ഇതര സംസ്ഥാന തൊഴിലാളിയെ കഞ്ചാവുമായി പിടികൂടി; വീഡിയോ
വിഴിഞ്ഞത്ത് ദേശീയപാതയിലെ വിഴിഞ്ഞം മുക്കോല സർവ്വീസ് റോഡിലൂടെ ബാഗിനുളളിൽ കഞ്ചാവുമായി പോയ ഇതര സംസ്ഥാന തൊഴിലാളിയെ എക്‌സൈസ് സംഘം പിടികൂടി.
ആസാം സ്വദേശിയും പോത്തൻകോടിലുളള കോഴിക്കടയിലെ തൊഴിലാളിയുമായ സുൽത്താൻ അഹമ്മദിനെ(27) ആണ് എക്‌സൈസിന്റെ നെയ്യാറ്റിൻകര റേഞ്ച് ഇൻസ്‌പെക്ടറും സംഘവും പിടികൂടിയത്.
ഓണം സ്‌പെഷ്യൽ ഡ്രൈവിന്റെ ഭാഗമായി ദേശീയപാതയിൽ നടത്തിയ പട്രോളിങ്ങിന്റെ ഭാഗമായാണ് ഇയാളെ പിടികൂടിയത്.ബുധനാഴ്ച രാത്രി 10.30 നാണ് സംഭവം.
രണ്ടരക്കിലോ തൂക്കമുളള കഞ്ചാവാണ് ഇയാളിൽ നിന്ന് പിടിച്ചെടുത്തത്. അൻപതിനായിരത്തോളം വിലവരുമെന്നാണ് കണക്കൂട്ടലെന്ന് എക്‌സൈസ് ഇൻസ്‌പെക്ടർ ജെ.എസ്. പ്രശാന്ത് പറഞ്ഞു.
ഈ മാസം ആദ്യവാരത്തിൽ അവധിയെടുത്ത് സ്വന്തം നാടായ ആസാമിൽ പോയിരുന്നു. തിരികെ വരുമ്പോഴാണ് മറ്റ് വസ്തുക്കൾക്കൊപ്പം കഞ്ചാവ് കടത്തിക്കൊണ്ടുവന്നത്. ഒരുകിലോ അവിടെ നൽകിയത് 15000 രൂപയാണ്.
തിരുവനന്തപുരത്തുളള ആവശ്യക്കാർക്ക് ഒരു കിലോക്ക് 40000 രൂപയ്ക്കാണ് നൽകുകയെന്ന് ഇയാൾ ചോദ്യം ചെയ്യലിൽ പറഞ്ഞു. മുക്കോലയിലെ സർവ്വീസ് റോഡിനടുത്തുളള ഇടറോഡിലുളള ഒരാൾക്ക് വിൽക്കുന്നതിനാണ് ഷോൾഡർ ബാഗിൽ കഞ്ചാവെത്തിച്ചത്.
റേഞ്ച് ഇൻസ്‌പെക്ടർ ജെ.എസ്. പ്രശാന്ത്, അസി. ഇൻസ്‌പെക്ടർ എൻ.മണിവർണൻ, സിവിൽ എക്‌സൈസ് ഓഫീസർമാരായ ബി.പ്രസന്നൻ, എസ്. അനീഷ്, യു.കെ.ലാൽകുമാർ, എം. വിനോദ് കുമാർ, അൽത്താഫ്, അഖിൽ, വനിതാ ഉദ്യോഗസ്ഥ എസ്. ശ്രീജ എന്നിവരുൾപ്പെട്ട സംഘമാണ് ഇയാളെ അറസ്റ്റുചെയ്തത്.
ഒറ്റവർഷംകൊണ്ട് മുഴുവൻ കാട്ടുപന്നികളേയും കൊന്നു തീർക്കും ; പുതിയ പദ്ധതിയിങ്ങനെ…
മനുഷ്യ വന്യജീവി സംഘർഷം വനമേഖലയ്ക്ക് പിന്നാലെ നാട്ടിൻപുറങ്ങളിലും പ്രതിസന്ധിയായതോടെ ഒരു വർഷം നീണ്ടു നിൽക്കുന്ന തീവ്രയത്‌നത്തിന് വനം വകുപ്പും സർക്കാരും.
കൃഷി പുനരുജ്ജീവനവും മനുഷ്യ-വന്യജീവി സംഘർഷ ലഘൂകരണവും മിഷൻ ‘ എന്ന പേരിലാണ് പദ്ധതി നടപ്പാകുക.
പദ്ധതിയിലൂടെ നാട്ടിലുള്ള മുഴുവൻ കാട്ടുപന്നികളേയും ഉന്മൂലനം ചെയ്യും.
കാട്ടുപന്നികൾ താവളമാക്കിയ കാടുകൾ തൊഴിലുറപ്പ് പദ്ധതിയിൽ പെടുത്തി വെട്ടിത്തെളിക്കും . നാട്ടിലിറങ്ങുന്ന കാട്ടുപന്നികളെ വെടിവെച്ച് കൊല്ലും.
കൂട്ടായ്മകൾ, ക്ലബ്ബുകൾ, സന്നദ്ധ സംഘടനകൾ എന്നിവരുടെ സഹകരണത്തോടെയാകും പന്നികളെ കൊന്നൊടുക്കൽ. കിടങ്ങുകളും , കെണികളും തീർത്തും പന്നികളെ കൊന്നൊടുക്കും.
കാട്ടുപന്നികളെ വെടി വെക്കുന്നതിനുള്ള സങ്കീർണതകളും ഒഴിവാക്കും. പദ്ധതിയുമായി ബന്ധപ്പെട്ട കരട് വിജ്ഞാപനം വനം വകുപ്പിന്റെ വെബ്‌സൈറ്റിൽ ഉണ്ട്. ഇതുമായി ബന്ധപ്പെട്ട അഭിപ്രായങ്ങൾ ജനങ്ങൾക്കും അറിയിക്കാം.
Summary:
An inter-state worker was arrested by the Excise team at Vizhinjam Mukkola service road on the national highway in Vizhinjam for carrying ganja in a bag.
