കൊച്ചി: എറണാകുളം ആലുവ യു സി കോളേജിനടുത്ത് യുവതിയെ പെട്രോളൊഴിച്ച് തീകൊളുത്താൻ ശ്രമം. ഉടൻ തന്നെ തൊട്ടടുത്ത കടയിൽ ഓടി കയറി യുവതി രക്ഷപെടുകയായിരുന്നു. ശേഷം ജില്ലാ ആശുപത്രിയിൽ ചികിത്സ തേടി.
ചൂണ്ടി സ്വദേശിക്ക് നേരെയാണ് യുവാവിന്റെ അക്രമണമുണ്ടായത്. മുപ്പത്തടം സ്വദേശിയാണ് ആക്രമിക്കാൻ ശ്രമിച്ചത്. സംഭവത്തിൽ വധശ്രമത്തിന് കേസെടുക്കുമെന്ന് ആലുവ ഈസ്റ്റ്‌ പൊലീസ് അറിയിച്ചു. മുപ്പത്തടം സ്വദേശി അലിയാണ് തന്നെ ഉപദ്രവിക്കാൻ ശ്രമിച്ചതെന്ന് യുവതി പൊലീസിന് മൊഴി നൽകി. ഇവർ കുടുംബ സുഹൃത്തുക്കളാണെന്നാണ് ലഭിക്കുന്ന വിവരം.
