കോട്ടയം: കോട്ടയം കാരിത്താസ് ആശുപത്രിയിൽ നിന്ന് അവയവവുമായി കൊച്ചി വിപിഎസ് ലേക്ഷോർ ആശുപത്രിയിലേക്കുള്ള ആംബുലൻസ് ഉടൻ യാത്ര തിരിക്കും. രാത്രി 11 മണിയോട് കൂടിയാണ് കാരിത്താസ് ഹോസ്പിറ്റലിൽ നിന്നും യാത്ര തുടങ്ങുന്നത്.
ഏറ്റുമാനൂർ, കടുത്തുരുത്തി, തലയോലപ്പറമ്പ് വഴിയാണ് KL 39 F 3836 നമ്പർ ആംബുലൻസ് ലേക്ഷോറിലേക്ക് എത്തുന്നത്. ദയവായി റോഡിൽ തിരക്ക് ഒഴിവാക്കി ആംബുലൻസിന് വഴി നൽകി ഒരു ജീവൻ രക്ഷിക്കണമെന്ന് ആശുപത്രി അധികൃതർ അറിയിച്ചു.
റോഡപകടത്തിൽ മരണപ്പെട്ട പത്തൊൻപതുകാരൻ്റെ കരൾ 50 വയസ്സുകാരനിൽ മാറ്റി വെക്കുന്ന ശസ്ത്രക്രിയയാണ് ലേക്ഷോറിൽ നടക്കുന്നത്.
