ആല്മണ്ട് കിറ്റ് കഫ് സിറപ്പിന് തമിഴ്നാട്ടില് സമ്പൂര്ണ നിരോധനം
ചെന്നൈ: ആല്മണ്ട് കിറ്റ് എന്ന കഫ് സിറപ്പിന്റെ വിൽപന, നിർമാണം, വിതരണം എന്നിവയ്ക്ക് തമിഴ്നാട് സർക്കാർ സമ്പൂർണ നിരോധനം ഏർപ്പെടുത്തി.
ശാസ്ത്രീയ പരിശോധനയിൽ ഉയർന്ന വിഷാംശമുള്ള ഈതലീന് ഗ്ലൈക്കോള് കണ്ടെത്തിയതിനെ തുടർന്നാണ് നടപടി.
ബിഹാറിൽ നിർമ്മിച്ച മരുന്നിന്റെ എഎൽ 24002 ബാച്ചാണ് നിരോധിച്ചത്.
പരാതിയന്വേഷണം രക്ഷാദൗത്യമായി; കിണറ്റിൽ വീണ കുഞ്ഞിനെ പൊലീസ് രക്ഷപ്പെടുത്തി
‘മരണം വരെ സംഭവിക്കാം’; ഡ്രഗ് കൺട്രോൾ മുന്നറിയിപ്പ്
ഈതലീന് ഗ്ലൈക്കോള് വൃക്ക, മസ്തിഷ്കം, ശ്വാസകോശം എന്നിവയ്ക്ക് ഗുരുതര തകരാറുണ്ടാക്കുമെന്നും ചില ഘട്ടങ്ങളിൽ മരണത്തിന് പോലും കാരണമാകാമെന്നും തമിഴ്നാട് ഡ്രഗ് കൺട്രോൾ ഡയറക്ടറേറ്റ് മുന്നറിയിപ്പ് നൽകി.
അടുത്തിടെ വിഷമയമുള്ള കഫ് സിറപ്പ് ഉപയോഗിച്ച് കുട്ടികൾ മരിച്ചതിന്റെ പശ്ചാത്തലത്തിലാണ് നടപടി കടുപ്പിച്ചത്.
മെഡിക്കൽ ഷോപ്പുകൾക്കും ആശുപത്രികൾക്കും നിർദേശം
സംസ്ഥാനത്തെ എല്ലാ മെഡിക്കൽ ഷോപ്പുകളും ആശുപത്രികളും ഫാർമസികളും ഈ സിറപ്പ് ഉടൻ പിൻവലിക്കണമെന്ന് ആരോഗ്യവകുപ്പ് നിർദേശിച്ചു.
മരുന്ന് കൈവശമുള്ളവർ സുരക്ഷിതമായി ഒഴിവാക്കാൻ അധികൃതരെ ബന്ധപ്പെടണമെന്നും അറിയിച്ചു.
പരാതികൾക്കും വിവരങ്ങൾക്കും ഹെൽപ് ലൈൻ
ഇതുമായി ബന്ധപ്പെട്ട പരാതികൾക്കും വിശദീകരണങ്ങൾക്കുമായി 94458 65400 എന്ന വാട്സ്ആപ്പ് നമ്പറിൽ ബന്ധപ്പെടാമെന്ന് ഡയറക്ടറേറ്റ് അറിയിച്ചു.
English Summary:
Tamil Nadu has banned the manufacture, sale, and distribution of Almond Kit cough syrup after some tests found high levels of toxic ethylene glycol. The Health authorities of Tamil Nadu has warned that the chemical can cause severe organ damage and even death. Medical stores and hospitals have been instructed to withdraw the product immediately, and a helpline has been issued for public assistance.
